Shining Bar & Restaurant (已結業)

今晚去咗一個好玩有趣的地方，銅鑼灣嘅Shining Bar & Restaurant 係一間中菜酒吧，一般酒吧餐廳都係食西菜，啱胃口又有創意，裏面仲有啤酒乒乓等酒吧遊戲枱任用。中式菜式與酒吧的配合有咩食呢？餐牌都好豐厚，海鮮都有，我哋諗住飲 mocktail，所以點咗呢啲菜。先講飲品，第一杯 Berries Party，成份有雜莓糖漿、新鮮青檸及梳打水。另一杯 Hea Ha，是椰子糖漿、新鮮青檸汁及新鮮菠蘿汁混合。兩杯都非常清甜可口。心水推薦必吃呢款「酒香威士忌鵝肝」，出場又有睇頭，煙燻吹氣波波，爆咗煙燻湧出，下面杯是威士忌，便充滿煙熏味，然後倒落鵝肝上面吃，鵝肝配威士忌，入口充滿煙燻香，舌頭有辣辣地嘅酒味，加埋青瓜一齊食，極爽！真係超正。「金莎椒鹽白飯魚」好食又好玩，用而家好流行嘅 shake shake，自己混合燒烤粉或土匪粉調味，很惹味，食到不能停口。「沙拉骨」大大件，肉質很肥美，很嫩一啲都唔韌。「生啫馬拉盞通菜」脆嫩。加兩碗白飯兩個人啱啱好。值得一提呢度有兩間私人房，星期一至四最低消費分別只係$2800或$4800，可以容10至12人，相當抵玩。