影片
更多
2019-06-23
2350 瀏覽
近期去完越南峴港之後, 念念不忘越南菜滋味, 尤其是魚露的鮮味和醋的酸味, 齋諗口水已流出…好在香港都有好食的越南菜啫這間越發其實我都收藏咗一排,有人話佢差咗，服務差咗，咁我要幫佢平反一下。話說我去係星期五晚6點半，入面坐滿人咁滯，點菜聲此起彼落，只有一個疑似店長的男人服侍，但佢仍然可以有條不紊地照呼到我入座。而且態度是溫和客氣的。坐在靠墻位，都不算迫，仲有空間可以放嘢。睇下餐牌，選擇都幾多。由六十幾至九十幾蚊。重點係不收加一!香茅紮肉雞絲撈檬(Grilled chicken with cold vermicelli)($70)份量不算少，有生菜絲，炸過的雞肉絲，蘿蔔絲等，好足料。店員講解話個汁落住一半先會好ｄ。見我冇叫飲品，仲即刻俾咗杯水我。底層的檬粉有輕微的結塊，但用筷子輕夾便散返，狀態仍彈牙可口。炸過的雞絲是乾的不油，十分香口但不熱氣，撈上檬粉之後，令成個粉的口感大大提升。加上鮮味的醬味，口感十分均勻，不辣但惹味。而且落咗小小薄荷，有陣陣回甘的涼意，响炎炎夏日顯得尤其滋味食到我的小心臟好激動，發出好似中華一番的反應：好好味呀～～是近期食到最美味的越南菜，拍得住响越南食到既正宗越菜
尤其是魚露的鮮味和醋的酸味, 齋諗口水已流出…好在香港都有好食的越南菜啫
這間越發其實我都收藏咗一排,
有人話佢差咗，服務差咗，咁我要幫佢平反一下。
話說我去係星期五晚6點半，入面坐滿人咁滯，
點菜聲此起彼落，只有一個疑似店長的男人服侍，
但佢仍然可以有條不紊地照呼到我入座。
而且態度是溫和客氣的。
坐在靠墻位，都不算迫，仲有空間可以放嘢。
睇下餐牌，選擇都幾多。由六十幾至九十幾蚊。
重點係不收加一!
香茅紮肉雞絲撈檬(Grilled chicken with cold vermicelli)($70)
香茅紮肉雞絲撈檬
$70
76 瀏覽
1 讚好
0 留言
份量不算少，有生菜絲，炸過的雞肉絲，蘿蔔絲等，好足料。
店員講解話個汁落住一半先會好ｄ。見我冇叫飲品，仲即刻俾咗杯水我。
底層的檬粉有輕微的結塊，但用筷子輕夾便散返，
狀態仍彈牙可口。
炸過的雞絲是乾的不油，十分香口但不熱氣，
撈上檬粉之後，令成個粉的口感大大提升。
加上鮮味的醬味，口感十分均勻，不辣但惹味。
而且落咗小小薄荷，有陣陣回甘的涼意，响炎炎夏日顯得尤其滋味
食到我的小心臟好激動，發出好似中華一番的反應：好好味呀～～
是近期食到最美味的越南菜，拍得住响越南食到既正宗越菜。
如果硬要講有咩美中不足，我會話係唔夠酸，同埋蘿蔔絲再多少少就宗美了。
總結
由入門口到出門口，都覺得好有驚喜又心滿意足。
走既時候門外開始排隊。
作為一間小店，佢做得唔錯，又好食又唔算貴，服務更加是殷勤。
可惜小妹最近戒牛肉，否則都好想試下生牛河。
下次應該會試下佢既法包。
張貼
