鼎家喜筷 (已結業)

「鼎家喜筷」係鼎爺新開嘅一間以燒味為主嘅餐廳。餐廳裝修同傳統嘅燒味鋪唔同，創新且新潮！餐廳嘅墻壁上有唔同嘅壁畫同一啲有趣嘅句子，天花板遍佈唔同圖案嘅霓虹燈，玩味十足！ 招牌溫泉蛋四寶飯🧡️賣相精緻，中式燒味飯配搭西式沙律菜，沙律醬用咗中式醬汁，個配搭都幾過癮！叉燒肥瘦適中，鮮甜多汁！燒腩仔切得薄身，個皮燒得好脆，配上芥末醬一流！燒鵝好juice，配柚子醬食好正！ 黑鬆露滑雞鍋飯🧡️黑鬆露同滑雞依個配搭都幾新穎，出乎意料地夾，雞肉夠嫩滑，帶有淡淡嘅黑鬆露味，好香口！餐飲🧡餐飲方面嗌咗西洋菜蜜同朱古力，味道同普通茶記一樣，唔太特別。如果餐飲方面都可以加少少創新，咁就美上加美！