紅島冰廳

營業中

休息中

晚上到左紅島冰室開餐，喜歡餐廳的食物中西合璧，選擇多份量足，價錢又親民，有2層地方夠晒闊落。🧀️西多士，好邪惡的西多士，即叫即做熱辣辣，炸到金黃鬆軟，切開時花生醬涌出，叫我哋要快啲要食晒佢地🤣。鐵板寶雲羊架配薯菜，跟餐湯同香軟牛油麵包。羅宋湯多料味道夠濃，配微暖的包食亦不錯。羊肉肉質有彈性很易咬開，咬落非常之軟淋，配料豐富有原個焗薯同小堂菜。咖喱根腩飯，加配煎雙蛋，牛根腩煮得夠淋，咖喱汁濃稠度剛好，不覺得辣，小朋友都啱食，飯跟汁拌勻食，好快便清碟。飲品點左至愛凍檸茶。