LM Cafe (已結業)

本身以為LM Cafe係一間西餐廳，原來佢有中文譯名叫龍門冰室，睇睇餐牌就知佢係中西合璧嘅餐廳。佢有好多選擇，最後我地叫左星級雜扒餐同埋香蒜牛油帶子意粉。餐湯係羅宋湯，大大碗，仲有好多料意粉仲有配埋沙律主菜到忍唔住嘩左聲，雜扒餐大大份，雞扒好大塊，有細細個好鍾意食ge炸帶子。揀左黑椒汁，好惹味，我地要叫佢refill多次先夠汁😋個帶子意粉蒜味好出，帶子細細粒但係煎得幾香口，好好味餐飲可以免費升級，叫咗杯招牌朱古力同埋綠茶鮮奶食完正餐，見佢甜品都唔貴，忍唔住叫左份窩夫，可惜今日無晒雪糕，所以轉左做木糠布甸。窩夫揀咗朱古力味，再加榛子朱古力醬，配料揀咗士多啤梨。窩夫蛋味好香，朱古力味夠出，不過士多啤梨就酸左d。呢度d野食真係大件夾抵食，每人一百蚊鬆d就可以食到好滿足咁離開。