Home A Day

營業中

休息中

星期六同老公行完孫中山紀念館，行去上環食晚飯，再搭免費叮叮返屋企。我地叫左黑松露帶子蘑菇忌廉意大利麵、荷香蒜蓉海鮮蒸珍珠米同兩杯飲品。黑松露帶子蘑菇忌廉意大利麵一上枱望到就已經知道好creamy，每條意大利麵都掛滿忌廉汁，而且充滿濃濃既黑松露味，帶子亦都彈牙，好好食。荷香蒜蓉海鮮蒸珍珠米呢間餐廳除左有西式菜式，仲有中式菜式，乜都有。海鮮有帶子、蝦球、珊瑚蚌，全部都整得幾好食，珍珠米淋左唔少醬油，充滿鹹香味，同樣好食。瑪琪朵特濃咖啡細細一杯，咖啡苦中帶酸，飲完好醒神。特濃生椰拿鐵應該係落左椰漿，所以椰子味好出，另外有椰子片，一啖椰子片香甜又脆既椰子片，一啖咖啡，中和左咖啡既苦澀味。