影片
更多
2023-02-05
98 瀏覽
朋友話上環有一間cafe好適合打卡，嘢又好食咁就叫埋我去食。入到去店員會講welcome home，令你有賓至如歸嘅感覺。見到裝飾亦都係有心機佈置過，店員隨即奉上水同埋餐牌。喺門口亦都見到一個蛋糕櫃入面嘅甜品都好似好唔錯。叫咗一份無骨海南雞飯 - 配濃雞湯，上菜嘅時候擺盤十分的骰，伴碟的是整到好似一棵花嘅酸蘿蔔和中華沙律，兩份伴碟雖是凍食，口感爽口，非常新鮮開胃，食咗酸蘿蔔清味蕾之後更加可以食到雞嘅鮮甜味道。海南雞飯份量足夠，亦都係冇骨，雞肉皮爽肉嫩，非常嫩滑，容易咬開，薑蓉亦都係磨得好仔細，而醬油係比較稀釋所以食落去唔會話好咸。雞油飯雞油味濃厚，亦都食到有椰香嘅味道，而且飯粒粒分明。附上嘅雞湯是金黃奶白，少少漿口，雞味濃郁的鮮雪耳濃雞湯，好夠熱，喺凍冰冰嘅天氣下飲另有一番滋味，飲落有漿口的口感，感覺整碗湯都充滿骨膠原。雪耳煲到好夠腍，同時亦吸收了雞湯的鮮味，所以每啖都雞味濃郁。另一係蒜香大蝦意大利麵，配有香脆同新鮮嘅炸蒜片，兩種加埋有好特別嘅口感、爽口蝦肉，幼身意粉，同時加上少許炒三色椒，食材雖簡單，卻惹味十足。意粉彈牙之餘亦有啖啖蒜香，每條都彷彿曾放在蒜頭內，令人食指大動。炸蒜片更
叫咗一份無骨海南雞飯 - 配濃雞湯，上菜嘅時候擺盤十分的骰，伴碟的是整到好似一棵花嘅酸蘿蔔和中華沙律，兩份伴碟雖是凍食，口感爽口，非常新鮮開胃，食咗酸蘿蔔清味蕾之後更加可以食到雞嘅鮮甜味道。海南雞飯份量足夠，亦都係冇骨，雞肉皮爽肉嫩，非常嫩滑，容易咬開，薑蓉亦都係磨得好仔細，而醬油係比較稀釋所以食落去唔會話好咸。雞油飯雞油味濃厚，亦都食到有椰香嘅味道，而且飯粒粒分明。
附上嘅雞湯是金黃奶白，少少漿口，雞味濃郁的鮮雪耳濃雞湯，好夠熱，喺凍冰冰嘅天氣下飲另有一番滋味，飲落有漿口的口感，感覺整碗湯都充滿骨膠原。雪耳煲到好夠腍，同時亦吸收了雞湯的鮮味，所以每啖都雞味濃郁。
另一係蒜香大蝦意大利麵，配有香脆同新鮮嘅炸蒜片，兩種加埋有好特別嘅口感、爽口蝦肉，幼身意粉，同時加上少許炒三色椒，食材雖簡單，卻惹味十足。意粉彈牙之餘亦有啖啖蒜香，每條都彷彿曾放在蒜頭內，令人食指大動。炸蒜片更卜卜脆。蝦肉亦煎得香噴噴，蝦肉雪白，並有著一鼓香草味，蝦肉則結實彈牙。
飲品叫咗香濃朱古力，平時的凍朱古力既底部普遍是還留有餘溫。然而，這杯凍朱古力非但整杯冰震消暑，更有著特別香濃可口的朱古力味，就好似在吃朱古力塊一樣濃醇。相信是用了70%的朱古力，令飲品不至於只有死甜，亦有一點點奶香味和可可豆的甘香。
另一杯就叫咗藻藍蛋白椰香鮮奶特飲，上面嘅忌廉十分結實，唔會好似平時出面咁樣好易就溶變水，另外上面都有蝶豆花嘅花瓣，同藍色嘅飲料好配合，好適合拎嚟打卡，飲落去亦都好重椰香同牛奶嘅味道，十分之清新，下次可以再encore！
張貼
