影片
更多
2018-12-29
296 瀏覽
米芝蓮小包包✨ 想食好耐但中環每次經過見到啲人都多到要坐哂出街咁滯，到最近終於響銅鑼灣開咗分店，個場大好多添✨ 雖然場大但當日有party搞緊，啲嘢食除咗幾個包之外，其他嘢等咗成個鐘先嚟，雖然傾下計啲時間唔覺唔覺去咗，但畢竟都等成粒鐘，仲要睇住佢地趕收舖我地又食得急，還好靚女待應都識做，最後幫我地free咗其中一個甜品條氣當堂順返哂😌（話說明明係西人但啲廣東話仲講得正過我係咩一回事😂）三個小包包，用類似刈包果種饅頭整成嘅中西fusion漢堡，最好食係impossible bao，本身impossible meat比beyond meat更似真肉，可以控制生熟度嚟改變肉感，而個腐乳沙律醬兼鹹檸沙律配落漢堡度完美示範咗中西混合風格另一款招牌豬腩包都係好好食，個慢煮豬腩肉甚至係完美，但正因為太完美，其可預計嘅感覺同前者相比就少咗份新鮮感至於炸三黃雞都唔錯，香口嘢加雞味香，但比起其他款就有啲輸蝕小食最想試係香茅漬帶子，可惜賣哂唯有轉攻其他，當中最有感覺係腐乳羊他他，同平時羊他他相比呢個多咗陣羊騷香，不過口感就冇咁嫩滑，另外好欣賞佢用炸咗嘅枝竹代替脆片，感覺超過癮至於炸菇同牛肋骨餃子都好味但相比
三個小包包，用類似刈包果種饅頭整成嘅中西fusion漢堡，最好食係impossible bao，本身impossible meat比beyond meat更似真肉，可以控制生熟度嚟改變肉感，而個腐乳沙律醬兼鹹檸沙律配落漢堡度完美示範咗中西混合風格
另一款招牌豬腩包都係好好食，個慢煮豬腩肉甚至係完美，但正因為太完美，其可預計嘅感覺同前者相比就少咗份新鮮感
至於炸三黃雞都唔錯，香口嘢加雞味香，但比起其他款就有啲輸蝕
小食最想試係香茅漬帶子，可惜賣哂唯有轉攻其他，當中最有感覺係腐乳羊他他，同平時羊他他相比呢個多咗陣羊騷香，不過口感就冇咁嫩滑，另外好欣賞佢用炸咗嘅枝竹代替脆片，感覺超過癮
至於炸菇同牛肋骨餃子都好味但相比之下就冇乜特別
最後甜品叫咗兩款雪糕包，一款係鹽味雪糕加焦糖醬，另一款就係季節限定嘅apple crumble，仲有埋個雲呢拿醬俾你點，感覺特別啲，雪糕包本身就用咗炸饅頭脆脆地夠討好
張貼
