牛奶冰室 (淘大商場3期)

營業中

休息中

琴日下午見啲雨收細左，就落樓下搵食。大少又話要食炒公仔麵，於是入去試下。冰室採用白色磚牆，幾光猛。裝修以黑白為主，好似乳牛咁，配合冰室個名。座位大部分以卡座為主，坐得算舒服，係枱同枱之間距離較密。醬爆拉絲菠蘿包菠蘿包皮又甜又脆，熱辣辣上枱，食嘅時候小心燙口。一切開個包，啲芝士湧出嚟，真係有拉絲效果，配埋買個菠蘿包食，真係幾好味！乾炒豬扒即食伊麵即食伊麵好彈牙，豬扒份量唔算多，但個公仔麵配埋洋蔥！椰菜絲、蘿蔔絲炒得幾香，整體味道不錯！香煎雞蔥油撈麵比起炒公仔麵，呢個麵質略嫌有啲淋，但雞肉煎得幾脆，不過醃得唔夠，無乜味，靠蔥油搭夠番，算不過不失。