Moi Moi (已結業)

早排同老公兩個帶埋小朋友去咗位於中環干諾道中嘅 Moi Moi 食越南菜。今次亦係我地第一次食Moi Moi嘅半自助餐。餐廳方便仲有小童優惠提供，成人帶2名11歲以下嘅小朋友一同用餐的話，小朋友仲係免費添架。所以今餐小JM係唔駛俾錢嘅。*大人每位都係HKD$238+10%*Moi Moi呢度有好多越南嘅特式點心及小食。但係半自助餐就只包點心同小食而已，如果想要粉面飯之類就要再額外加錢食啦。食物refill速度唔算快，真係手快有手慢無。環境方面尚算不錯，夠靜，可以慢慢享受一頓晚餐。點心同小食雖然係任食，但味道其實只屬一般而已。