Knockbox Coffee Company (已搬遷) 新店位置

每次想試依間咖啡店都會俾佢門外嘅排隊人龍嚇怕，今日終於有朋友肯陪我等！終於可以入去坐低飲杯咖啡。叫咗杯Flat white，抵讚嘅位係職員會喺落單嗰時問你想要較Fruity定Nutty嘅味道，唔係間間都有得揀有誠意啊！最後揀咗Nutty口味。口感幾順滑，香濃嘅咖啡後勁會隨住口中的奶香退下後漫漫湧上嚟，唔錯！下次可以試吓Fruity啲嘅味道如何！性價比嚟講就還好，因為熟食同甜品份量偏少。另外想講職員嘅態度真係一般般，可能真係太忙啦。