CIAK - All Day Italian (太古城中心) (已結業)

之前有一日去咗太古城，揀咗好耐都揀唔到間餐廳，就決定試吓呢間意式餐廳。入到去個 vibe 都唔錯，有個大螢幕展示意大利各處嘅風土人情，燈光就偏暗，侍應服務態度都幾好，招呼都幾周到。因為我另一半食量唔多，所以就淨係嗌咗三樣嘢，分別係八爪魚沙律，一份比目魚 risotto，同埋一份法國春雞。一開始以為未必會夠飽，諗住可能要加嘢食或者叫甜品，結果其實都幾飽肚，因為個 risotto 芝士味都幾重，所以有啲飽肚。份春雞同八爪魚沙律個味道都相當唔錯，尤其係個八爪魚沙律，既好味又清新。三份嘢加埋大概$800鬆啲，我覺得都幾物有所值。