潮汕美食 (已結業)

朋友響紅磡做野，我過左去搵佢食飯。食晚突然好想食潮州打冷，朋友介紹之下去左潮汕美食到食！一細碟蘿蔔乾干豆腐小食送嘅，食落幾開胃紅腸併墨魚，紅腸份量多，墨魚份量就少d，墨魚食落就唔係好彈牙，滷水味都唔會太濃，有d花生墊底，淋淋地幾好食。麻醬豬展骨，個骨外面炸得好干身食落少少硬，無咩肉味，因為炸嘅食落都算香口，但配麻醬有d唔係好夾。凍馬友，本身馬友d肉係好鬆嘅，好再因為凍食風干左少少食落唔算太霉，條魚d魚味濃可彌補之前的不足，細細條，唔算多骨。總括來講味道不過不失，飲埋啤酒360蚊價錢都尚算合理。