黑鉄屋 (已結業)

肥柑太黎左灣仔返工，於是就用Lunch時間同佢食下附近既好野，佢咁o岩想食拉麵，行過黑鉄屋就同佢入去試下。呢間拉麵店主力兩種湯底，豚骨同雞骨，我地分別叫左一豚一雞，同時都叫左佢走青蔥，不過最後佢地都甩碌無走到，要我提佢地我走左蔥佢地收番起再整過畀我先食到碗無蔥麵，但一早寫明唔要蔥都錯，真係唔係幾高興。最後另外左個狀元餃子。佢地用既筷子同出面唔同既地方，就係微子有坑紋，咁樣夾麵果陣就會容易夾到去食。狀元餃子($38/5隻)，整得幾好食,皮厚，但食到層皮係熟透，唔似有d煮完都係有部份係生既，餃子似混左少少雞肉，口感爽滑多汁，配番佢地既辣油，非常醒胃。銅兵衛豚骨湯拉麵($83)，個湯無乜豬骨味，柑太話唔似出面既豚骨湯咁多油，可能係煮既火喉影響，飲落唔漿，無乜膠質咁，麵既硬度適中，叉燒太薄，雖然層皮燒過食落口感層次分明但係分量真係唔夠。我既黑兵衛雞骨湯拉麵($83)，個湯飲落有種老火湯既感覺，但無雞肉果種油膩，應該只用雞骨而無用雞肉去煮，將雞湯潤而不燥既特質帶出。麵同叉燒同豚骨湯果個一樣。但要詐型就係個雞蛋同埋紫菜，無錯塊紫菜好大，而且印左你地間店既LOGO，但係咁韌咁人點咬開？你塊紫菜已經唔