極尚大喜屋 (加連威老道) (已結業)

大喜屋開咗咁多年，第一次食尖沙咀分店，總括嚟講食物水準都keep到既。今次同朋友食飯掛住傾偈，唔算影得多相，分享吓一啲覺得好食嘅食物：我哋都叫咗幾多壽司😂Encore最多係海膽軍艦，同埋左口魚裙邊壽司，質素都OK，放題黎講粒飯唔算好大粒。吞拿魚壽司刺身我哋叫咗兩轉，都幾新鮮。芝麻雞翼好食👍🏻外皮炸到好脆，雞肉仲好嫩滑。極長既穴子壽司，不過我覺得麻麻地，個人鍾意食鰻魚多啲，比較肥美。另外叫咗個酸菜魚煲，都幾好食，唔算好辣。係一啲要慶祝嘅日子想食放題，呢度係都算係一個好選擇，話晒都係連鎖店，未至於好好食但係水準都可以嘅。