岩鹽日本料理 (MOKO新世紀廣場)

營業中

休息中

朋友想食日本野，又要地點方便，所以好快揀左近港鐵站嘅moko。 餐牌選擇幾多，前菜，刺身，燒物至到晚餐定食都有，價錢屬中上。岩鹽壽司盛（十貫）外表睇落唔錯，擺得頗為精緻，又有點綴。10件不同款式壽司，包括帶子，甜蝦，海鰻等，適合多人分享。壽司飯細細件，壽司醋唔會太酸，刺身新鮮，唔錯。日式牛肉鍋除左牛肉，仲有芋絲，粉絲，紹菜等，幾豐富。醬汁濃味，熱辣辣，幾好。串燒盛合拎上枱時已經涷左，有啲失望。牛舌串彈牙，雞翼燒得略嫌過火，京葱豬肉唔夠香，屬一般。鱈魚釜飯一個飯2個食法。第1個係加上醬汁，飯粒分明，味道唔錯。第2個食法係加入熱茶，類似茶漬飯，但味道一般，而且沒有飯焦，總是感覺差少少。