一起燒火鍋烤肉店 (已結業)

同老公第一次去試，整體上感覺唔錯，環境衛生情況理想；不過我地食韓燒，韓燒嘅食物選擇卻比預期中少，食物種類唔夠多元化，比如我想點雞柳，但菜單上只得雞扒(雞類菜單只得8樣野揀，鴨舌都歸類喺雞類菜單中🙄)，最後我同老公分別點左雞腎、牛肉(4塊手掌咁大嘅牛肉)、金菇、豬肉、茄子、多春魚(4條)、漢堡扒，另外都有叫少量熟食如餃子。食物味道都尚可接受，價錢算可接受水平。不過其中要改善嘅地方，係韓燒食物種類需要多元化(其他如火鍋或普通晚市菜單都有不同嘅選擇)，我去過唔同地方食韓燒，都比呢間嘅種類多；另外人手亦都需要加強。