Greenhouse

營業中

休息中

今日經過銅鑼灣，同事話一齊去呢間餐廳食，見個價錢正常銅鑼灣價，就一齊入去食。入到去見到似入左個小森林，感覺唔錯。但一去到個位就見到張椅有少少污糟，就自己換左一張好D既。我自己就叫左個express lunch set，叫左個生牛肉河粉，餐跟一個南瓜湯同野飲，我就點左熱咖啡。同事話星期五想食得開心D，再叫左個黑松露薯條、蜜糖單骨雞翼。南瓜湯味道正常，我覺得有少少渣，可以的話過濾得清D會好少少。生牛肉河粉牛肉粉整得唔錯，牛肉唔會好鞋，牛肉我估應該係美國雪花牛，牛味唔算好重。黑松露薯條薯條有少少林，係厚肉薯條，奇怪既係我同事跟餐個薯條係脆既。蜜糖單骨雞翼碟雞翼賣相一般般，可以的話炸得脆少少會好食D。整體上算中規中矩，食物唔算好驚喜，不過個環境算係幾舒服。