泰廚泰國菜館

營業中

休息中

今晚同朋友食宵夜，為方便大家搭車，選擇左旺角呢間泰國餐廳。2個人叫左5樣野，2杯飲品（合計321）串燒雞+豬各2串醬汁味道濃郁，非常惹味，可惜唔夠熱，其中一串豬肉唔夠熟。明白有時候太多單做唔切，出少少意外都情有可原，（平時晚餐時間，門口串燒部會大排長龍）但我地23:30去，客人不多，咁就真係馬虎左d喇。$1木瓜沙律木瓜本身唔靚，完全冇木瓜味亦都冇乜水份，調味醬汁唔夠豐富，友人話一蚊雞唔好要求太高。我反問一句，我用正常價錢係咪可以食返正常質素。泰式金邊粉上枱時見到呢一個顏色已經嚇左一跳，不過係好味既，如果廚師輕手d，唔落咁多醬汁就好喇。古法燒鰽魚條魚好新鮮，師傅燒得啱啱好，啲肉好滑。條魚加入香茅、南薑、檸檬葉，包住錫紙去燒。需時30分鐘，廚房即劏即燒。馬拉盞炒芥蘭醬汁太多、太濃，每一口都好似食緊好多味精落肚，我表示棄權。