Délifrance (已結業)

呢日自己一個人去咗德福商場 Delifrance 食飯。叫咗個卡邦尼煙肉芝士炒扁意粉配煙三文魚二併套餐，飲熱即磨咖啡，盛惠$79。熱即磨咖啡先上，味道香濃，口感幼滑，算是不俗。但係個主菜意粉就有啲失色，主要係因為煙三文魚太腍，一叉就散，毫無咬口，而且味道偏鹹咗少少。意粉唔錯，帶少許咬口，入邊都有幾多香口煙肉條及爽口蘑菇，好可惜個煙三文魚令到呢個意粉扣咗唔少分。總括嚟講，呢餐味道充其量只可以算做中規中矩。