清玉 (已結業)

前幾日夜晚臨搭車返屋企前去路德圍買杯野飲。 當下想飲珍珠奶茶，最後揀左清玉。夜晚近11點唔太多人，所以等野飲時間都唔係太耐。珍珠奶茶 $21要左少糖去冰，野飲是夠凍的！清玉既珍珠係屬於細粒的，有咬口但個人覺得可以煮耐多少少。因為杯唔係透明睇唔到，但飲落珍珠份量都適中。奶茶都有茶味的，甜度少糖左我就覺得ok。價錢方面，清玉既珍珠奶茶係路德圍地帶中比較平的，而且係大杯，都算抵飲。