Ben哥米線

營業中

休息中

本人同男友既口味可謂係南遠北撤，所以都盡量唔跟佢搵食，但喺佢極力邀請之下終於跟佢去左一間佢既心水店食野。Ben哥米線位於美孚，店鋪唔算大，但好多人幫襯。我叫左牛𦟌豬腸酸辣米線，湯底既味道有點淡，作為一個嗜酸既人，覺得唔多夠酸。餸菜方面係唔錯既，牛𦟌同豬腸都入味，可惜豬腸略硬。但男朋友叫既腩肉同豬潤，我就好喜歡，豬潤好新鮮同爽口，好想再食多d。腩肉充滿肉脂甘香。我地仲叫左味價值38蚊既麻辣墨魚頭，好大碟，冰凍爽口，唔算麻，但辣味好香。叫左兩碗米線（5個餸）再加一碟小食同兩杯凍飲，埋單$145蚊，算唔錯。