椰仔冰室 (屯門鄉事會路)

營業中

休息中

晚上同老友食飯，今次食d普通d既，佢話黎椰仔冰室食，試下啦。店內面積都唔算細，坐位都格得幾開，算幾好坐，餐牌款式都唔少，有中有西。椰仔鴛鴦飯有1大塊吉列魚柳，半塊雞扒同1隻炒滑蛋，跟香草蕃茄汁，魚柳都新鮮熱既，半塊雞扒就正常啦唔會煎得好乾，炒蛋都唔會過生過熟，係個蕃茄汁無乜味。咸菜胡椒豬肚湯飯老友揀呢個，豬肚同咸菜份量不少，係湯比較淡d唔夠胡椒味。整體黎講，茶仔風格無咩特別特色，食物普通啦，環境叫幾好坐。