意粉屋 (新城市廣場一期)

營業中

休息中

星期六晚上七點到， 帶小朋友去完新開嘅恐龍公園玩😆，見唔使等位，但其他食肆都要等位，就入咗呢間。 我哋坐喺全個餐廳比較中間嘅位置，同隔離枱係貼住， 基本上係同隔離枱嘅食客手踭掂手踭咁樣🤐，如果同朋友要傾密計，就唔好揀呢間餐廳😂。我哋三個人，兩大一細，因為唔係好肚餓就嗌得比較少嘢食，只係點咗兒童餐、薯蓉焗田螺同埋炸海鮮餅，埋單大約三百蚊。比較好食就係個薯蓉焗田螺，海鮮餅就比較肥膩，放喺到10分鐘，成張墊底紙都係油， 齋睇都覺得膩 。💟呢度唯一可取之處就係食物cp值係比較高(相對商場內嘅其他食肆)， 食物選擇亦比較多。