井茶

營業中

休息中

交收完到咗南昌薈的井茶食個下午茶，餐牌都幾多嘢揀，價錢都唔貴。⭐日式雞扒炒烏冬叫咗個炒烏冬，賣相ok，上枱時熱辣辣都有炒過嘅，仲諗住會有塊雞扒，但嚟到就見唔到啦，食咗幾啖烏冬，見到下面有幾舊雞球雞肉咁嘅樣，應該就係所謂嘅雞扒。烏冬望落好深色，但食落其實冇乜味，加咗一包辣椒油感覺好啲啦。⭐熱檸茶正正常常嘅檸檬片加熱紅茶，而家啲茶餐廳仲會畀珍檸檬係咪要感恩？😂咁嘅價錢ok啦，冇乜招呼亦唔會趕客，一試無妨。