Whitewood Coffee (已結業)

餐廳中場休息後4點重新營業，店舖不大4點過少少已經坐滿人，要等一陣先有位。入座後要先到收銀處落單，我地叫左香蕉榛子厚鬆餅，店員比左個號碼牌我地擺喺枱面，餐廳是自助形式，餐具杯碟要自己出去拎。等左大約15分鐘到，鬆餅整好就送黎lu～有三件鬆餅，鬆餅上面有一坨忌廉同埋淋上左榛子朱古力醬，隔離伴上切好嘅香蕉片，影相個刻忌廉已經溶哂相信忌廉唔夠企身，另一樣亦証明鬆餅熱辣辣新鮮整好😛。鬆餅食落有蛋香充滿空氣感，忌廉同榛子朱古力醬份量不夠多味道亦比較淡，食落整個感覺欠驚喜。