影片
更多
2012-06-24
202 瀏覽
今日無聊係深水埗行， 睇下有冇啲咩工具要準備下星期七一煙花時用 ， 無意間比我行到了呢間未食過既麵店， 以全場$15既招萊吸引客人 ， $15唔算平 ， 不過鐘意試新野既我一定唔放過。鐘意食腩河既我 ， 緊係叫返個腩河過下口癮 (話唔定遲啲黎個安格斯腩河指數? )佢地既牛腩係比較偏向腩肉結實而中間帶點脂肪既類型， 脂肪帶出小許但是唔濃郁既牛腩香 ，如果唔好食濃味既人算幾適合， 好濃味既人就未必太岩了。湯底茶黃色， 普通既清啖味道， 好飲湯既人唔好抱太大期望。。。河粉底唔錯 ， 唔會爛到一pat野咁， 幾爽口， 以$15既平價店來講 ， 算幾多下， 或者係牛腩以外既麵應該唔錯 ， 呢啲留比其他食評家了。。店面算幾細下， 坐唔到好多人 ， 比較唔滿意佢地唔多執野抹野， 我張檯坐底時已經有好多上一手既"戰跡" ， 另一張大檯既人食完之後到我走之前都未有人抹過。。戰跡滿佈 ， 介意既人要小心價錢佢未去到自殺超平價十蚊碗哥啲， 十五蚊碗， 油菜六蚊，算係合理啦。。整體而言， 佢算係一家可以食得下既麵家。如果以飽肚為目的 ， 可以一試 ， 如果期待會有美食既 ， 你入錯地方了。。
鐘意食腩河既我 ， 緊係叫返個腩河過下口癮 (話唔定遲啲黎個安格斯腩河指數? )
佢地既牛腩係比較偏向腩肉結實而中間帶點脂肪既類型， 脂肪帶出小許但是唔濃郁既牛腩香 ，如果唔好食濃味既人算幾適合， 好濃味既人就未必太岩了。湯底茶黃色， 普通既清啖味道， 好飲湯既人唔好抱太大期望。。。
河粉底唔錯 ， 唔會爛到一pat野咁， 幾爽口， 以$15既平價店來講 ， 算幾多下， 或者係牛腩以外既麵應該唔錯 ， 呢啲留比其他食評家了。。
店面算幾細下， 坐唔到好多人 ， 比較唔滿意佢地唔多執野抹野， 我張檯坐底時已經有好多上一手既"戰跡" ， 另一張大檯既人食完之後到我走之前都未有人抹過。。戰跡滿佈 ， 介意既人要小心
價錢佢未去到自殺超平價十蚊碗哥啲， 十五蚊碗， 油菜六蚊，算係合理啦。。
整體而言， 佢算係一家可以食得下既麵家。如果以飽肚為目的 ， 可以一試 ， 如果期待會有美食既 ， 你入錯地方了。。
題外話/補充資料：
除左"戰跡"問題外 ， 我坐走廊細檯位時 ， 隔離廚房洗碗阿姐出力洗碗到啲水彈到落我隻腳到 ， 好在沒彈落啲麵度姐 ， 不過相信只係個別事件。。。
如果係要比安格斯腩河指數 ， 我比65分
(以上食評乃用戶個人意見 , 並不代表OpenRice之觀點。)
張貼
