Mr. Crab by The Captain's House (已結業)

星期日工人放假，同家人去左呢間餐廳試味。之前經過呢間餐廳好多次都冇入過去，終於有機會食。首先叫左個crab cake, 蟹味好濃都吾錯。之後叫左個rib eye 12 oz，個扒有啲鞋，不過有牛味，加左啲鹽都幾好食。啲薯條都炸得好脆，鹹鹹地唔錯！不過稍微有點貴。見到open rice有人推介個lobster combo 當然要嗌嚟打下卡，叫左個新疆蒜味mild 辣 都有啲辣，好彩冇叫medium。 個汁幾好味，粟米都好入味，蝦同八爪魚仔都有好多隻，味道正常。龍蝦個頭好大，肉就吾太多。呢啲食物最啱送啤酒食，所以我地叫左三杯啤酒，都幾過癮。埋單1600蚊左右，係有啲貴，不過間吾中一次無所謂啦！