湯火功夫麻辣燙 (已結業)

今日食lunch見到呢間湯火功夫食麻辣燙，以前係北京食過一次幾好食，今次就決定黎食番次。三款湯底我揀左泰式冬陰功（$5），因為湯底配有一隻蝦，好似抵食啲。麻辣度揀左中辣。中辣黎講真係唔算辣，味道似譚仔十小辣。不過酸酸地，有黎自青檸既味道，我中意。飲品原來有熱飲，我揀左熱檸水（$12）。配菜揀左紫菜（$7）、菠菜（$7）、豬腩肉（$16）。豬腩肉得一塊，味道幾重醃得幾好。紫菜同菠菜份量唔少。麵底揀左薯粉（$12），係內地經常食到果款有扭紋，幼身既，而唔係台灣闊條果款。可惜好似煮耐左，食落唔夠咬口，唔夠彈牙。呢度落既湯比較少，所以夠曬濃味。