影片
更多
2010-06-14
544 瀏覽
12-6-2010想食 pasta, 朋友又介紹呢度的 pizza「幾好食」, 是日收工食 lunch 就上嚟試試吧. 對 "special" 中的 gnocchi / ravioli set 興趣不大, 最後叫了「普通」set lunch, 有 soup / or salad, main, dessert 及 coffee/tea.是日 soup 係 "bean soup": 內有大量紅蘿蔔, 西芹, 及好似係 red kidney beans? 賣相及味道都似足「多豆」版 minestrone, 味道尚算清甜, 不過飲完印象唔深而已. 主食揀了 linguine alla marinara ($98)... 配料有蜆 (大 / 細都有), 蝦, 小型蟶子 (係咪叫 Pacific razor clam?) 及小型瀨尿蝦, d 蝦幾甜, 不過小型蟶子多沙又多碎殼, 大蜆有點韌, 蜆仔就超韌, 瀨尿蝦則無味道, 百份百好睇多過好食; 而最好食就係 marinara 汁, 帶新鮮蕃茄的清甜又有「海鮮湯」的鮮香, 加埋陣陣 basil 香, 配上質地未算 al dente, 不過煮得
想食 pasta, 朋友又介紹呢度的 pizza「幾好食」, 是日收工食 lunch 就上嚟試試吧. 對 "special" 中的 gnocchi / ravioli set 興趣不大, 最後叫了「普通」set lunch, 有 soup / or salad, main, dessert 及 coffee/tea.
是日 soup 係 "bean soup": 內有大量紅蘿蔔, 西芹, 及好似係 red kidney beans? 賣相及味道都似足「多豆」版 minestrone, 味道尚算清甜, 不過飲完印象唔深而已.
主食揀了 linguine alla marinara ($98)... 配料有蜆 (大 / 細都有), 蝦, 小型蟶子 (係咪叫 Pacific razor clam?) 及小型瀨尿蝦, d 蝦幾甜, 不過小型蟶子多沙又多碎殼, 大蜆有點韌, 蜆仔就超韌, 瀨尿蝦則無味道, 百份百好睇多過好食; 而最好食就係 marinara 汁, 帶新鮮蕃茄的清甜又有「海鮮湯」的鮮香, 加埋陣陣 basil 香, 配上質地未算 al dente, 不過煮得滑身又算有咬口的 linguine, 結果又清了碟.
試了一啖朋友的 pizza margherita ($88), 即最「基本」嗰隻... crust「堅挺」薄脆, 芝味香而不膩, 連 tomato sauce 都係帶甜而非酸嗆茄膏的 或 ketchup, 好食喎.
是日甜品 #1 係 homemade zabaglione: 食過 zabaglione 味的 gelato, zabaglione 反而第一次食, 呢度的近乎「流質」, 賣相「一 pat 嘢」的, 食落帶輕輕的酒味及蛋味 (?), 甜度剛好, 配上夠「朱古力」的 chocolate sauce, 味道可以; 不過面頭舊餅 (係咪叫 Savoiardi biscuit?) 就又硬又韌, 認真大煞風景
是日甜品 #2 Italian pudding 就幾難食: 質地「膠」到呢 , 我食緊港式「布丁」? 面頭的 strawberry sauce 落得太多, 認真篤眼篤鼻 雖然味道唔算太假, 但實在幾酸, 呢碟我食一啖就放棄了.
最後來杯熱咖啡, 唔算好香, 齋飲就夠濃, 不過幾苦, 可幸唔澀; 奉上熱奶 , 而咖啡本身又咁苦, 當然要落多 d 奶.
每人約 $102, 再來的話應該只會食 pizza 了 -- 不過見 menu 上又有 spaghetti aglio e olio 供應 , 唔知掂唔掂?
張貼
