壽司豐 (已結業)

omakase除左可以食優質食材，我諗更大體會係師傅在食材上對客人所花心思。朋友介紹一間位於尖沙咀《豐 Sushi Yutaka》，特意一試選擇左［豐。特上］omakase，果然沒有失望而回。2碟前菜分別香口合桃小魚干配蒜頭，醃蘿蔔生姜，非常開胃，第一次食蒜頭漬，完全無平時食蒜頭濃裂味道，入口清新爽脆，酸酸甜甜，超特別。刺身共五款，每樣新鮮美味，拖羅厚切油脂分佈入口即容。平時熟食鯖魚食得多，活魚新鮮口感同味道完全唔同，絕對與其他刺身有得一拼，有驚喜。還有北海道北寄貝配上沖繩海葡萄，鮮甜爽脆。除左味道更加考驗師傅Michael刀功同擺盤，出黎好似藝術品好靚，除左味覺享受，更係視覺享受，自然都令人食慾大增。熟食方面有海蝦，日本甜番薯，熟蝦，明太子蛋卷，好特別鰻魚配上三蕉葉，令成個菜劃龍點精。跟住上了一道無花果活毛蟹梅酒啫喱，全部用上日本食材，梅酒特別用上3年以上釀製，食落完全感受到好似飲緊杯梅酒，好濃郁香醇，非常大愛此菜色味道層次配搭。炸物用上優質和牛，見到切開中間顏色非常粉嫩，證明油溫同時間掌握得岩岩好。蟹捧入面釀入蟹膏，味道更提升。仲有炸番薯，比之前熟食更大塊，更能食出甜味。