影片
更多
2018-05-18
59 瀏覽
返工辛苦，約咗朋友去食火鍋，上次食完個個都覺得好味，今次再encore。首先店員奉上水果拼盤作為開胃菜，名為風生水起，個名特別，配合埋個水果醋，立即胃口大開，好貼心既安排。跟住就到雞煲，我哋點咗一次BB辣，都唔算太辣，都好惹味。另外在座朋友唔食辣，所以我哋再添加左一次冇辣嘅雞煲，店員都好細心，提我地食雞煲要注意事項，服務值得一讚。雞煲方面呢，味道認真唔錯，炒至少少焦香，雞肉多汁入味，的確唔錯。緊接就係象拔蚌刺身，同上次一樣，依然係冇腥味，非常新鮮。最鍾意呢度嘅打邊爐，係將成個湯底換走，換上一個非常有趣嘅生果湯底，配合買新鮮嘅海鮮，非常清甜，煮到後期又的確唔太油膩，值得一讚。店員話，今日蟹唔算太靚，幫我地升級轉為龍蝦，大家當然非常開心啦。龍蝦都有一大隻咁多，只需滾五至6分鐘，新鮮海鮮就係好食，令個湯底越煮越鮮味，又唔會渾濁，抵讚。另外仲有要提一下飲品五花茶，唔會太甜，下火清熱，又能解渴，飲佢搭配打邊爐實在加分。除咗帶子、貴妃蜆、龍蝦之外，其餘的海鮮也可以無限追加，真係十分抵食。最後店員奉上燕窩燉蛋白，非常滑溜，味道都唔錯，最緊要食完咁多野仲試到佢個甜品有奶味，感覺得出用料有用心，真係接近
返工辛苦，約咗朋友去食火鍋，上次食完個個都覺得好味，今次再encore。
首先店員奉上水果拼盤作為開胃菜，名為風生水起，個名特別，配合埋個水果醋，立即胃口大開，好貼心既安排。
跟住就到雞煲，我哋點咗一次BB辣，都唔算太辣，都好惹味。另外在座朋友唔食辣，所以我哋再添加左一次冇辣嘅雞煲，店員都好細心，提我地食雞煲要注意事項，服務值得一讚。雞煲方面呢，味道認真唔錯，炒至少少焦香，雞肉多汁入味，的確唔錯。
緊接就係象拔蚌刺身，同上次一樣，依然係冇腥味，非常新鮮。
最鍾意呢度嘅打邊爐，係將成個湯底換走，換上一個非常有趣嘅生果湯底，配合買新鮮嘅海鮮，非常清甜，煮到後期又的確唔太油膩，值得一讚。店員話，今日蟹唔算太靚，幫我地升級轉為龍蝦，大家當然非常開心啦。龍蝦都有一大隻咁多，只需滾五至6分鐘，新鮮海鮮就係好食，令個湯底越煮越鮮味，又唔會渾濁，抵讚。另外仲有要提一下飲品五花茶，唔會太甜，下火清熱，又能解渴，飲佢搭配打邊爐實在加分。
除咗帶子、貴妃蜆、龍蝦之外，其餘的海鮮也可以無限追加，真係十分抵食。
最後店員奉上燕窩燉蛋白，非常滑溜，味道都唔錯，最緊要食完咁多野仲試到佢個甜品有奶味，感覺得出用料有用心，真係接近完美嘅一餐。
張貼
