影片
更多
2020-10-05
427 瀏覽
呢日中午去新世紀拎曲奇，順便買埋靚午餐返Office食。想食拉麵於是就揀咗「麺屋武蔵」，難得勁快決定好😎。餐廳有做外賣自取套餐🥡，有飯有麵揀，價錢介乎$48-$79不等，沾麵就最貴，無計啦始終係招牌。另外，仲有小食加配選項。等食物期間留意到餐廳環境幾唔錯，主題係日本武士，唔通餐廳名稱都係同呢樣嘢有關🤔？麵食得沾麵一款，唯一可以揀嘅係三選一沾麵汁，所以我決定要一個麵同一個便當，咁就可以食多款口味。同時，我仲加咗小食，估唔到份量都幾多，食完飽哂🤰。 留意番，呢度係二人份量，我無咁大食！叉燒沾汁麵($79)，我都好耐無食過沾麵🍜，我喺度諗其實外賣食沾麵好似仲好過拉麵，根本同堂食無咩分別，因為都係分開上，唔駛擔心麵質嘅問題。自己加熱番個汁就OK👌。先講沾麵汁，有得揀⚪️白武骨、🔴赤武骨同⚫️黑武骨。最後者係黑蒜油，唔駛諗可以即刻排除在外。由於想食辣，所以就揀咗赤武骨，日式辣應該輕鬆！果然辣度係唔錯🌶，份辛辣會停留喺喉嚨一陣，但條脷就無問題，可以繼續食，加上夠鹹，正😋。題外話，沾麵汁入面有幾粒豚角煮。麵條好特別，我以為自己眼花😅，因為每條都好粗，兩條幼麵打孖癡住。食落幾煙韌有咬口，適合掛湯，但唔知點
呢日中午去新世紀拎曲奇，順便買埋靚午餐返Office食。想食拉麵於是就揀咗「麺屋武蔵」，難得勁快決定好😎。
餐廳有做外賣自取套餐🥡，有飯有麵揀，價錢介乎$48-$79不等，沾麵就最貴，無計啦始終係招牌。另外，仲有小食加配選項。
等食物期間留意到餐廳環境幾唔錯，主題係日本武士，唔通餐廳名稱都係同呢樣嘢有關🤔？
麵食得沾麵一款，唯一可以揀嘅係三選一沾麵汁，所以我決定要一個麵同一個便當，咁就可以食多款口味。同時，我仲加咗小食，估唔到份量都幾多，食完飽哂🤰。 留意番，呢度係二人份量，我無咁大食！
叉燒沾汁麵($79)，我都好耐無食過沾麵🍜，我喺度諗其實外賣食沾麵好似仲好過拉麵，根本同堂食無咩分別，因為都係分開上，唔駛擔心麵質嘅問題。自己加熱番個汁就OK👌。
赤武骨
5 瀏覽
0 讚好
0 留言
麵條好特別，我以為自己眼花😅，因為每條都好粗，兩條幼麵打孖癡住。食落幾煙韌有咬口，適合掛湯，但唔知點解令我諗起零食童星點心麵...哈哈。餸料有兩大片🐷薄叉燒、🥚溏心蛋同筍。
牛肉鯖魚日式四格便當($58)，便當盒超大個🍱，份量十足，兩款餸味道都幾好。汁煮牛肉好惹味，連洋蔥都好食；鯖魚肉質結實，下低仲有啲醃菜。前菜係賣飛佛麻醬波菜，🍚而白飯加咗飯素無咁單調，但略嫌笠身咗啲。便當更附送味增湯。
武蔵炸雞
$38
11 瀏覽
0 讚好
0 留言
武蔵煎餃子($38)，我沾麵記得走蔥，但餃子漏咗招😖。煎餃子有五隻🥟，並無煎燶，味道正正常常，無咩特別。
總括嚟講，呢餐係好豐富嘅麺屋武蔵外賣午餐，本身只係因為想食麵先幫襯，但食落又發覺幾好👍。實不相瞞，N年前就係食完重口味黑蒜油嚇親寶寶，所以唔敢再食。不過只要揀啱口味就完全無問題，仲好滋味添！
張貼
