敏華冰廳 (置富都會)

營業中

休息中

早餐係去到12點呀！ 12點！12點！ 重要嘢要講三次。第一次見有餐廳嘅早餐係去到12點咁遲，真係可以早餐當午餐食。 敏華冰室港九新界都有，之前朋友就推介炒滑蛋同黯然銷魂飯。趁抓著早餐嘅尾巴，就叫餐廳推介嘅沙茶牛肉公仔麵，配炒蛋、歐式軟多士，同埋熱飲。沙茶牛做得嘅好，冇咩雪肉味，沙嗲夠濃，配公仔麵正！連我隔離嘅朋友都話好香（可能係因為麻油味）。牛肉分量都有5-6片，唔會太薄。炒滑蛋分量比一般茶餐廳足料，質素都一流。食落仲有好多蛋汁。烘底嘅多士點d蛋汁食更好味。簡單普通但好味嘅一餐。