影片
更多
2008-09-02
85 瀏覽
早幾日一早知道會黎呢度遊街, 既然係咁所以師傅一早就諗定喺呢度有咩好食, 上黎呢度參考左一陣, 最後決定打電話黎呢度留張枱, 皆因見口碑幾好, 加上又未黎過, 所以決定一試!準時去到, 唔使等就有位(皆因留座前侍應講明有可能要等一陣), 非常好; 一坐底師傅即刻睇下有咩好食先, 一打開個餐牌, 睇左一陣, 師傅覺得樣樣都好似幾好味喎, 都唔知點樣落單好, 最後諗左一陣就決定柯打野食, 食番餐勁豐富嘅晚餐!兩個人柯打左四餸一湯, 師傅都覺得有少少過份; 好, 先講下點左d咩食先, 有兩份花旗蔘燉響螺湯, 兩份太彫玻璃蝦球, 脆脆BB 豬, 脆炸牛坑腩同埋咕嚕肉! 等左一陣就有兩個茶壺放左喺面前, 師傅以為係茶, 於是就倒左落隻杯仔度, 當飲入口時發覺點解冇茶味? 再試真d發現原來係花旗蔘燉響螺湯, 味道非常清甜, 花旗蔘味道唔會過濃, 又冇味精, 而響螺煲得非常腍, 真係幾好味, 咁樣飲湯都係師傅第一次, 絕對係令人非常開心, 加分!接住落黎下個太彫玻璃蝦球, 太彫玻璃蝦球底下全部係蒸蛋, 蛋蒸得好滑, 仲有少少花雕, 所以都幾香醇, 淨係個蒸蛋都已經值回票價, 再試下個蝦球, 蝦都幾
準時去到, 唔使等就有位(皆因留座前侍應講明有可能要等一陣), 非常好; 一坐底師傅即刻睇下有咩好食先, 一打開個餐牌, 睇左一陣, 師傅覺得樣樣都好似幾好味喎, 都唔知點樣落單好, 最後諗左一陣就決定柯打野食, 食番餐勁豐富嘅晚餐!
兩個人柯打左四餸一湯, 師傅都覺得有少少過份; 好, 先講下點左d咩食先, 有兩份花旗蔘燉響螺湯, 兩份太彫玻璃蝦球, 脆脆BB 豬, 脆炸牛坑腩同埋咕嚕肉! 等左一陣就有兩個茶壺放左喺面前, 師傅以為係茶, 於是就倒左落隻杯仔度, 當飲入口時發覺點解冇茶味? 再試真d發現原來係花旗蔘燉響螺湯, 味道非常清甜, 花旗蔘味道唔會過濃, 又冇味精, 而響螺煲得非常腍, 真係幾好味, 咁樣飲湯都係師傅第一次, 絕對係令人非常開心, 加分!
接住落黎下個太彫玻璃蝦球, 太彫玻璃蝦球底下全部係蒸蛋, 蛋蒸得好滑, 仲有少少花雕, 所以都幾香醇, 淨係個蒸蛋都已經值回票價, 再試下個蝦球, 蝦都幾大隻, 肉質爽口, 加上唔腥, 咬口一流, 唔錯; 脆脆BB 豬其實即食乳豬件, 燒得幾香脆, 而肉地唔算好肥, 入口又唔會成口油, 一碟四件, 份量不多不少, 啱啱好, 正呀; 脆炸牛坑腩就係將d牛坑腩攞去炸, 牛坑腩非常鬆身, 入唔脆而不油, 師傅都係第一次食炸牛坑腩, 唔錯喎; 而咕嚕肉酸酸甜甜勁開胃, 加上咕嚕肉冇骨, 脆脆地但唔油膩, 好掂呀!
總括黎講食物質素頗佳, 環境都幾舒服, 服務都殷勤有禮, 係伙計比較少, 人手不足咁啦, 而價錢唔算平架, 兩個人埋單四百幾, 不過有咁嘅水準, 師傅覺得物有所值; 師傅食左呢餐豐富晚餐後, 非常滿足, 所以有機會一定會再黎, 而笑臉真係走唔甩!
張貼
