Le Marron (已結業)

爸爸生日，全家去左銅鑼灣法國菜餐廳Le Marron食慶生飯，地點都方便地鐵站一出就搵到，呢到暗暗既燈光，高雅既裝修，每張枱既餐具都擺設得整整齊齊，氣氛浪漫又舒服，服務亦相當好！首先上既龍頭湯，以龍蝦頭淆製，濃郁既龍蝦味，鹹度適中帶有鮮味，真係值得一讚！Steak Tartare with Melba Toast，除左睇落擺放得靚靚之外，食落口多士又夠薄又夠脆口，配埋軟滑Tartare加埋少少伴碟既蔬菜，洋蔥一齊食更加口感豐富！香煎帶子配無花果香茹沙律，帶子煎得岩岩好香，又大又好味，伴碟既新鮮無花果好甜，新鮮沙律菜配埋沙律醬汁，真係又好味又開胃！到左大家都鍾意食既鵝肝，鵝肝煎得岩岩好外脆內又夠熱，下面再放左一塊熱熱既蘋果，清甜蘋果同鵝肝一齊食可以減少油膩感覺，好特別食落味道都好配！最後配埋杯soft drink，完結今晚美味豐富既一餐！