影片
更多
2021-03-08
1378 瀏覽
Monday Blues，不過今日我放假，哈哈！放假黎左呢一間單字一個豐既日式餐廳食餐好。餐廳位於尖咀一條好静既街，裝修非常之日式壽司bar，有張大大壽司枱，客人圍住師傅工作空間坐，每兩個位用易拉架同膠板隔住，可以睇住師傅手握壽司。座位唔多，一定先訂位好d。Lunch Menu 有七款定食選擇，分別有omakase壽司，日替定食，和牛或豚肉壽喜燒，豚肉生薑燒同燒魚等，定食包前菜，茶碗蒸，吸物，咖啡或甜品，價錢由$280到$980，視乎選擇，另收加一。今次係我第一次黎，決定叫個穗日替定食黎試下先。師傅同菜單都講明所有菜式均以日本直送白神山水烹調。茶碗蒸及前菜（跟餐）前菜係凍玉子卷中間釀左明太子，上面再加d白蘿蔔溶，係我第一次食玉子卷做前菜。通常我最鍾意食熱辣辣既玉子，凍既真係少食，因為好難好食。呢個玉子卷大小啱啱好一口食哂，凍凍哋又有白蘿蔔香同微微明太子咸香，好refreshing。茶碗蒸蒸蛋好滑，明顯冇落鹽，我鍾意，面頭一舊新鮮脆冬菇，下底居然有一舊少見既白魚，都算唔鞋口。穗日替定食 $450+10％穗日替定食用一個好靚既盒上枱，一打開我個心就嘩左一聲。好靚!菜單寫明包三款刺身同燒物
Lunch Menu 有七款定食選擇，分別有omakase壽司，日替定食，和牛或豚肉壽喜燒，豚肉生薑燒同燒魚等，定食包前菜，茶碗蒸，吸物，咖啡或甜品，價錢由$280到$980，視乎選擇，另收加一。
今次係我第一次黎，決定叫個穗日替定食黎試下先。師傅同菜單都講明所有菜式均以日本直送白神山水烹調。
茶碗蒸及前菜（跟餐）
前菜
19 瀏覽
0 讚好
0 留言
前菜係凍玉子卷中間釀左明太子，上面再加d白蘿蔔溶，係我第一次食玉子卷做前菜。通常我最鍾意食熱辣辣既玉子，凍既真係少食，因為好難好食。呢個玉子卷大小啱啱好一口食哂，凍凍哋又有白蘿蔔香同微微明太子咸香，好refreshing。
茶碗蒸蒸蛋好滑，明顯冇落鹽，我鍾意，面頭一舊新鮮脆冬菇，下底居然有一舊少見既白魚，都算唔鞋口。
穗日替定食
$450
22 瀏覽
0 讚好
0 留言
穗日替定食 $450+10％
穗日替定食用一個好靚既盒上枱，一打開我個心就嘩左一聲。好靚!
穗日替定食
$450
9 瀏覽
0 讚好
0 留言
菜單寫明包三款刺身同燒物 ，但係原來刺身係好多款。師傅每樣食物都向我介紹下，又建議順時針方向食刺身。我真係好少第二樣刺身就食拖羅。
立魚
4 瀏覽
0 讚好
0 留言
立魚三塊，超新鮮絕對唔會雪過龍，質地實在。
拖羅
28 瀏覽
0 讚好
0 留言
拖羅兩塊，完全冇筋，入口即溶，油花四溢。
帶子, 螢光魷魚, 三文魚籽
7 瀏覽
0 讚好
0 留言
帶子一大塊切開兩邊，新鮮厚切，非常鮮甜，啖啖肉。螢光魷魚兩件，爽脆超重海水味。三文魚籽咸香，送白飯一流。
赤身
7 瀏覽
0 讚好
0 留言
赤身兩大舊三角形厚切，新鮮啖啖肉，上面灑上d細櫻花增添香味，好特別。
蟹肉,海膽
6 瀏覽
0 讚好
0 留言
海膽兩片，超creamy同鮮甜，完全唔腥。蟹肉有蟹味，好過好多地方，如果可以全去哂殼就仲正。
穗日替定食
$450
15 瀏覽
0 讚好
0 留言
燒物係燒銀鱈魚，雖然份量唔多而且我攤到凍哂先食，但係都食到肉質實在，味道微甜，仲配有沙律醬。建議大家趁暖食先，唔好好似我咁食哂刺身先。白飯係熱既，雖然唔係滿碗但係原來個碗好深。我好鍾意佢粒粒都係漲卜卜，好有咬口!
服務員又同我介紹返漬物係咩。漬物有三塊爽脆酸甜柚子蘿蔔，真係好好味。酸薑係較濕同甜個隻。 Wasabi係生磨，送刺身好好味。
吸物係麵豉湯， 有兩舊豆腐同好多昆布，熱度同咸度適中。值得一提係個湯碗超靚。
可以揀咖啡或者焦糖燉蛋芝士蛋糕。雖然已經好飽，我呢個甜魔梗係揀甜品啦!原本仲以為係焦糖燉蛋味既芝士蛋糕，點知原來係凍芝士蛋糕上面將個頂燒到熱熱地變焦糖面，下面芝士好軟滑濃厚，底層仲有厚厚既餅底，加添口感。呢個跟餐甜品好唔普通，明顯餐廳誠意十足。
焦糖燉蛋芝士蛋糕
19 瀏覽
0 讚好
0 留言
服務態度極好，服務員會主動介紹食物，加添熱玄米茶及時，照顧周到。座位舒適，略嫌冷氣太凍，可能我著得太單薄。整體而言，今餐所有刺身質素都極高，唔怪得定價唔低，偶然食一餐荷包唔太傷，個人都開心d。無論味覺，視覺同感覺都大大滿足，好正既一餐高級日式料理。
張貼
