爆汗串串 (已結業)

一直都好想試呢間鋪頭，因為自己好中意食串燒，所以成日番大陸食，見香港依家都有又唔貴就同理fd嚟食。叫左15串個個同埋一人一個飯或者麵。我叫左口水雞飯，不過不失係多左啲碎骨。朋友叫左個麵，聽佢講係算唔錯，然後有2個朋友都叫左飯。嚟到都覺得少佢地話食完唔算飽肚。然後個15串串我地叫左腸仔，薯仔，雞軟骨，南瓜同埋唔記得左係咩。條腸仔仲細過平時食個啲即食腸，味道其實係似蠟腸，薯仔唔算淋，雞軟骨好重口味，一咬係淨係食到調味料味，好難食。然後南瓜係算係最正常，不過都唔算好食。整體嚟講冇下次。