燒蝦蝦 (金福閣） (已結業)

Woohooo!又係我放題小妹‼️今日要介紹嘅呢間餐廳係位於元朗嘅燒蝦蝦放題店😚原來夜晚食仲會有折添㗎！大家幾多打電話嚟留位！嚟到呢一度，我諗大家都知道我哋嘅主角就係流水蝦🦐，原來想夾到佢哋都唔係咁容易💁🏻‍♀️最緊要快狠準！梳頭啊我有少少驚，所以就慢慢夾，點不知都比佢哋走甩咗🙈，夾起咗之後記得放落冰筒🧊跟住先拎去燒，就會人性化一啲，而且啲水唔會彈到周圍都係❤️燒到紅卜卜就食得㗎啦！好多蝦膏🤭好正！👅另外仲有其他食物都可以攞㗎。不過我就瘋狂攞佢嘅海鮮👍🏻海鮮來講都有好多款，例如有鮑魚、生蠔、貴妃蚌、海螺、原條魚等等😌全部都好新鮮。另外我覺得佢有串燒魷魚仔好好味，有少少似我喺大阪食嘅嗰種魷魚仔💖