影片
更多
2017-07-09
296 瀏覽
天氣越來越熱冇乜胃口，真係唔知食咩先好，諗起朋友介紹一間日本串燒餐廳，顧名思義每件都份量細細，唔使擔心無胃口食唔落！來到餐廳門口已經感受到果種日本風。呢度係用open kitchen，可以見到廚師嘅廚藝。餐牌將每種肉類同埋蔬菜已經分門別類，好易睇。除咗串燒之外，驚唔夠飽的話仲會有主食。一坐低已經每人有一份蔬菜條，甘筍，西芹同椰菜都十分爽脆多汁！而且亦都好甜。我哋諗住開開胃口，所以叫咗一個沙律！櫻花蝦沙律蔬菜好鮮甜，櫻花蝦鮮味十足而且好脆！醬汁要咗芝麻醬汁，好有麻香！不過略嫌沙律醬多左小小，如果唔係就perfect!! 另外仲要左燒粟米，每一粒粟米都好飽滿多汁！芝士翠玉瓜同埋燒牛肋骨肉，兩者都充滿焦香！牛肋肉牛味濃郁，一d都唔韌！燒雞軟骨好香脆，廚師用海鹽調味，另外燒豆腐外脆內軟，日本醬汁令豆腐更加惹味。仲有燒海鮮選擇，我哋要咗個燒翡翠螺，同豆腐一樣用日本醬油燒過，螺肉爽甜又大粒。豬肉蘆筍卷多汁，薄薄嘅豬肉包住香甜蘆筍，層次感豐富。燒雞翼係我每次必點嘅串燒，皮燒得好香脆，將皮下脂肪迫晒出嚟！最後到上湯稻庭烏冬，湯底好清好甜，烏冬好滑好香，配有大量紫菜同芝麻！起初真係無乜胃口，不過呢度嘢食
來到餐廳門口已經感受到果種日本風。
呢度係用open kitchen，可以見到廚師嘅廚藝。
餐牌將每種肉類同埋蔬菜已經分門別類，好易睇。除咗串燒之外，驚唔夠飽的話仲會有主食。
一坐低已經每人有一份蔬菜條，甘筍，西芹同椰菜都十分爽脆多汁！而且亦都好甜。
我哋諗住開開胃口，所以叫咗一個沙律！櫻花蝦沙律蔬菜好鮮甜，櫻花蝦鮮味十足而且好脆！醬汁要咗芝麻醬汁，好有麻香！不過略嫌沙律醬多左小小，如果唔係就perfect!!
另外仲要左燒粟米，每一粒粟米都好飽滿多汁！
芝士翠玉瓜同埋燒牛肋骨肉，兩者都充滿焦香！牛肋肉牛味濃郁，一d都唔韌！
燒雞軟骨好香脆，廚師用海鹽調味，另外燒豆腐外脆內軟，日本醬汁令豆腐更加惹味。
仲有燒海鮮選擇，我哋要咗個燒翡翠螺，同豆腐一樣用日本醬油燒過，螺肉爽甜又大粒。
豬肉蘆筍卷多汁，薄薄嘅豬肉包住香甜蘆筍，層次感豐富。燒雞翼係我每次必點嘅串燒，皮燒得好香脆，將皮下脂肪迫晒出嚟！
最後到上湯稻庭烏冬，湯底好清好甜，烏冬好滑好香，配有大量紫菜同芝麻！
起初真係無乜胃口，不過呢度嘢食好惹味，我哋越食越多！最後尾同朋友兩個又係捧住個肚返屋企。
張貼
