影片
更多
2024-11-06
0 瀏覽
串揚初體驗～係香港少有既串揚！其實我未食過串揚，上網搵過資料係日本人主理，決定一試～套餐方面有Omakase 同Okimari 選擇：Omakase 就係$38串，廚師發辦一路上到你叫停為止！Okimari 就係固定套餐會有埋其他類型既食品，入面都有10串串揚～仲有個$300酒類任飲放題，計過應該要飲四杯以上先回本，我飲唔到咁多，今次就淨係叫咗杯生啤就算😂生啤係得惠比壽選擇。今次揀左$498 Okimari 固定套餐，入面包括前菜拼盤、廚師發辦時令串揚10串、清舌餐點、主食& 甜品～串揚外脆內嫩，口感比想像中清爽，唔覺得油膩！不過坐普通檯就會一次上幾串，食食下就會開始凍，應該坐吧檯好D；最欣賞蝦係有膏同埋帶子！餐點都好有特色，清口小食係麻薯豆腐，口感好清新；自家製蔬菜漬入面車厘茄係爆汁既好正～！黑薩摩雞拼盤刺身好正宗，真係一定要試！而烏冬湯底就比較淡，無乜特色。唯一要投訴既地方係洗手間要去隔離商廈仲要再搭𨋢上樓，如果飲左酒就有少少麻煩！🏠店名：串亭Kushitei🚘地址：尖沙咀堪富利士道8號格蘭中心地下04-05號舖#尖沙咀 #尖沙咀美食
係香港少有既串揚！其實我未食過串揚，上網搵過資料係日本人主理，決定一試～
套餐方面有Omakase 同Okimari 選擇：
Omakase 就係$38串，廚師發辦一路上到你叫停為止！Okimari 就係固定套餐會有埋其他類型既食品，入面都有10串串揚～仲有個$300酒類任飲放題，計過應該要飲四杯以上先回本，我飲唔到咁多，今次就淨係叫咗杯生啤就算😂生啤係得惠比壽選擇。
今次揀左$498 Okimari 固定套餐，入面包括前菜拼盤、廚師發辦時令串揚10串、清舌餐點、主食& 甜品～
串揚外脆內嫩，口感比想像中清爽，唔覺得油膩！不過坐普通檯就會一次上幾串，食食下就會開始凍，應該坐吧檯好D；最欣賞蝦係有膏同埋帶子！
餐點都好有特色，清口小食係麻薯豆腐，口感好清新；自家製蔬菜漬入面車厘茄係爆汁既好正～！黑薩摩雞拼盤刺身好正宗，真係一定要試！而烏冬湯底就比較淡，無乜特色。
唯一要投訴既地方係洗手間要去隔離商廈仲要再搭𨋢上樓，如果飲左酒就有少少麻煩！
🏠店名：串亭Kushitei
🚘地址：尖沙咀堪富利士道8號格蘭中心地下04-05號舖
#尖沙咀 #尖沙咀美食
張貼
