勝八鉄板串料理 (已結業)

朋友介紹左我呢個食串燒既地方,餐廳走日式居酒屋既風格蓮藕釀黑豚相比起黑豚露筍,呢味就遜色啲啦,因為蓮藕燒得比較焦,雖然食落幾爽口但係黑豚味道唔太突出,唔太食到有黑豚不過蓮藕都可以做串燒又真係幾新穎店員推介食黑豚露筍黑豚包住爽口既露筍,加埋上面特製既醬汁,味道特別,而豚肉非常薄,好腍身質感似薄切牛肉,而露筍平時比較少食,有新鮮感煙肉芝士黎之前都上網做過少少資料搜集,見都有啲人叫呢款串燒咁我點都要試下,煙肉燒到好香口,包住入面啲芝士,一啖咬落去,啲芝士漏哂出黎芝士味非常濃郁,兩者味道好夾,不過成啖都係芝士就真係有啲膩,適宜放後啲先食喜魚第一次串燒食魚,雖然魚味較淡,但入面冇骨可以話係啖啖肉肉質仲可以保持鮮嫩,又唔會梅,這個新嘗試算係唔錯既體驗美國牛肉薄燒美國牛肉薄燒 - 銅鑼灣的勝八鉄板串料理 美國牛肉薄燒呢味睇落好普通,原來好有驚喜,牛肉薄薄一片,包住啲蒜同蔥好香口同惹味之餘,牛肉味道又好濃牛筋湯超好飲,飲完成身暖哂,牛筋份量相當多,湯底好濃郁,飲得出佢加左唔少調味料而牛筋好腍身,仲要加埋啲入哂味既白蘿蔔牛筋好黏口,好有骨膠原!簡直係成晚既亮點,飲完好滿足