珍味食堂 (已結業)

同朋友shopping完，去左商廈樓上晚飯。上左5樓珍味食堂，可能好大雨關係，所以今日都少人等位。我地點左個2人套餐，有餐湯，沙律，串燒同主菜。特式餐湯係羅宋湯，沙律係煙三文魚海撒沙律，煙三文魚有2件，沙律菜都新鮮，仲有煙肉碎，芝士，麵包粒。串燒拼盤有鹽燒雞翼，牛舌，大啡菇，荔枝煙肉串。黑椒牛舌好惹味。平時金菇肥牛卷食得多，但荔枝就真係未試過，好有荔枝味，幾特別。好細心，大啡菇已經切開，方便進食。至於鹽燒雞翼有2隻，燒得好香口。最後到主菜，每碟羊架有3件，羊架唔太騷，岩哂朋友。羊架煮得岩岩好，7成，肉質好淋，識食應該用手食，更有風味。配菜有沙律菜，薯角，茄子，翠玉瓜，蕃茄仔。羊架可以選擇點芥茉醬同薄荷醬。侍應好細心，見我地碟都載滿骨，主動過黎幫我地換碟。最後我地加點柑桔檸檬蜜，食飽仲可以傾下計。