珍味食堂 (已結業)

寫這篇食評時, 心情很複雜! 是同一間餐廳嗎???? 全部好評???? 我們本來想去光榮食午餐但太多人排隊, 見對面有餐牌好似幾抵食就去試試啦! $48 自助沙律吧 + 餐湯 + 飲品, 主食另加 $10-$60 不等! 首先企喺門口等左3分鐘都無見到有侍應, 應該人手很短缺吧! 我哋坐室外, 好多塵應該係正常吧, 但櫈爛到咁就真係唔想坐! 踏正 1pm 已經有3款主食售罄….終於落晒單就走到自助沙律吧, 9成碟係吉既, 乜都無! 只有湯, 豆, 紅蘿蔔同一款醬……同侍應講佢5分鐘後就添, 都算快手! 沙律吧有蕃茄, 豆, 雲耳, 2款菜, 紅蘿蔔…完!主菜: 香蒜牛油蜆肉意粉 +$20 ~ 即係成個餐 $68, 呢個價錢其實唔算平, 碟意粉超細碟, 無汁但大量水, 蜆肉無乜味道勝在無沙! 最重點係凍既, 完全凍! 應該係煮完呢碟再煮埋長通粉先上菜所以凍晒! 卡邦尼長通粉 +$10 ~ 即係成個餐 $58, 通粉熱, 有煙出, 同事5啖內已經食晒全碟通粉! 註: 奶茶超超超難飲, 又苦又澀又嚡! Btw, 埋單有9折! 

串燒是我太太喜歡的食物類型之一，所以今晚有空又來到了珍味食堂。青蘋果梳打$78一瓶大大瓶和淡淡的甜酸味，是佐膳的最佳配搭。欖油蒜片辣椒意粉$88，這個意粉適合素食人仕，意粉內只有蒜片和蔬菜，非常健康。配料有指天椒、辣椒粉和黑胡椒，辣味層次豐富。蒜蓉燒扇貝$34一隻蒜蓉份量十足，蒜香味濃，加上少許辣味，便帶出扇貝的鮮味。秘燒鮑魚仔$29一隻鮑魚燒得很香和煙靱，而自家製的醬汁，令到鮑魚的層次感更豐富。法式香煎鵝肝件焦糖蘋果$88鵝肝外脆內軟，配上焦糖蘋果的酸味，平衡了鵝肝的油膩感，再吃點法包和陳醋的沙律，就更健康。心太軟$48，非常流心，想不到甜品做得不錯。

我和媽媽覺得日本菜是味道最穩定，所以吃日本菜中伏的機會少之有少，通常都有一定水準，每當想不到吃甚麼，我們就會吃日本菜，前晚我們就去了尖沙咀珍味食堂吃晚飯。香脆蟹籽蝦多士相當涮嘴，炸到色澤金黃的多士，毫不油膩，上層撒上晶瑩剔透的蟹籽，先色奪人。一口咬下，多士裡頭鑲滿彈牙的蝦肉，像鮮蝦在口腔躍跳，超棒的蝦多士。蟹籽芝琛玉子燒在鐵板上滋滋作響，熱騰騰的霸氣登場。一切開玉子燒，軟綿的玉子溢出滿滿熱溶芝士蟹子，邪惡無比。玉子燒仍嚐到蟹籽一粒粒的口感，芝士鹹香卻不會膩味。鹽燒牛舌除了以鹽提味，還有胡椒，微辣且香，上桌時香氣四溢，牛味濃郁，其脆彈感好吃到不行，教人回味無窮，喜愛牛舌的不容錯過。石窩牛肝菌雞柳燴飯以黑松露為飯的基底，搭配石窩熱辣辣的熱力，讓每顆米飯都帶有黑松露的香氣，再拌入滑嫩的雞柳，每吃一口都是幸福的感覺。這裡有一個優惠，就是惠顧任何飲品可以半價或特價換購一些指定食品，不限換購食物次數。我和媽媽都認為滿實惠的，吃燒物一定會喝東西，計起來蠻化算的，既有飲品可喝，又吃到便宜的，一舉兩得，故我們點了柑桔檸檬蜜和龍眼蜂蜜。我們換購了蒜蓉燒蟶子皇和七味燒貴妃蚌，蟶子皇一隻只是34元，而貴妃蚌一

聽到有人讚此食店，加上係黃店，但亦有人話係扮黃，抱著fc心態試好嘢！真的好味😋朋友立刻預定過兩日再同家人來食👍🏻今晚介紹嘅每個菜都好味，尤其是隻春雞😍煙肉荔枝串燒好味到要encore仲有支金箔香檳好易入口🥂最緊要支持黃色小店🖐🏻👆🏻

Wow .. 日本 x 西式餐 Cross over！搜尋一下，原來位於厚福街藍馬的《珍味食堂》！ 地點優越，很方便。環境除了室內有梳化位，不想焗束也可到戶外用餐。海鮮在做優惠，岩哂！👍🏻 職員服務態度良好，收碟、加茶也很快手，很敏捷鰻魚飯 HKD 128 原隻饅魚還充滿了醬汁，賣相好吸引！鰻魚肥美也有大量魚油，最緊要沒有苦味！ 蒜茸燒聖子皇 HKD 34 (每隻)用上很多生蒜以帶出其鮮味！ 肉質鮮而彈牙～ 蒜茸燒扇貝 HKD 34(每隻)另一鮮味 —— 扇貝，肉質厚。七味燒貴妃蚌 HKD 34 (每隻)燒生蠔 HKD 29 (每隻)朋友也說，蠔漲好卜卜 😁 對，是肥美而且沒有腥味，好味 ！ 白鱔 HKD 78 (每隻)必食品！ 魚皮夾起來已有清脆聲音～ 咬下去更體驗重重魚油也沒有膩感。 燒拼盤 HKD 108 荔枝煙肉串、鹽燒雞翼、鹽燒大啡菇、鹽燒牛舌荔枝煙肉串很匹配，鹹中帶點點甜味又多汁 😋 煙肉很棯，不會似燒過那個硬崩崩，不錯！用鹽燒去處理份外滋味沒有過鹹，雞翼仍保留juicy仲有清潔得乾淨厚切牛舌！

呢條街除左H8有好多食店外，週圍嘅商業大廈都有食店架，今晚為食友人帶左我去呢間主打日式同西式嘅餐廳場內有室內同室外位，想食煙嘅可以坐室外見到枱上有呢個優惠餐牌，凡點任何飲品，可以半價叫以下食物，主打海鮮類其餘餐品分開西式及日式，食物選擇都唔少本來想叫吞拿魚沙律但無貨，店員推介呢客牛油果蟹籽胡麻沙律 ($88)，賣相吸睛，又有我歡喜嘅牛油果，YEAH..........爽口沙律菜配以香滑牛油果，再加上脆卜卜蟹籽，幾重口感，唔會單調泛味!望到隔離枱食串燒，D香味傳過黎，引到我地都要叫返客食下，鹽燒牛舌 ($48/串)及鹽燒鷄翼 ($38/串)燒牛舌有少少厚度，夠晒口感，咬落仍有肉汁流出黎，鹽味適中而燒鷄翼將佢界開再串燒，令鷄肉更容易入味，燒至皮脆肉嫩，正呀!天氣咁熱，黎度當然要叫返杯凍飲，唔"酒"人士又歡喜荔枝嘅，可以選擇呢杯荔枝梳打，入口有香甜荔枝甜味，又有梳打嘅氣感，飲啖成身爽晒.......繼續食身為芝士控嘅我，每次見到有芝士薄餅都唔會放過佢，呢客四色芝士薄餅當然唔例外餅底略似餅乾般香脆，唔會令你覺太飽感覺，加埋幾種芝士嘅咸香味道，上面軟身下面香脆拎起手仲有芝士迷最期待嘅拉絲畫面，熱

今日我哋又嚟到尖沙咀食串燒。話說之前喺尖沙咀厚福街都食過一間串燒店叫深夜食堂。呢間鋪好似最近改咗名，但都無礙我哋嚟食串燒嘅衝動。入到鋪頭，有一種非常東瀛嘅感覺，而且仲有室外嘅地方，由於我哋嗰日落雨，所以都係留返喺室內啦。食物方面我哋叫咗兩個烏冬串燒餐。每個餐除咗一碗烏東之外，都有唔同嘅海鮮，串燒肉同菜等等。溫泉蛋烏冬。湯底偏鹹少少，味道尚算可以，烏冬麵則幼身，就算係我呢啲唔太喜歡食烏冬嘅都覺得幾好食，當然重點係隻溫泉蛋，真係非常嫩滑，入口即溶。串燒白鱔，入口非常彈牙，而且醬汁甜甜地噉樣，真係幾好食，十分推介。蒜蓉香燒虎蝦， 亦都係大大隻，蒜蓉味都夠入味。燒鮑魚嘅口感略爲煙韌，但啲配汁多令到隻鮑魚幾好食。燒扇貝我就冇食過，不過就唔算大隻。秘汁燒牛柳肉質非常腍身，亦有肉汁，值得推介。荔枝煙肉串反而有驚喜，荔枝肉汁好澎湃，煙肉薄脆，兩者加埋嘅口感好特別。雞翼就鹹鹹地又串燒嘅味道，相對係較平凡嘅菜式。火焰芝士翠肉瓜，真係可以話係我食過咁多種翠肉瓜以嚟最好食嘅，配上芝士之後味道好濃厚。串燒韭菜就真係太鹹太辣了，如果你唔係重口味人士，落單記得問下佢可唔可以少辣。飲品就叫左巨峰梳打同草莓梳打。草莓梳

經朋友推介，說有一間不錯的食堂在尖沙咀的一棟大廈上面。今天跟老公在這裏逛街，於是就去看看。這間食堂是在這棟大廈5樓全層，食堂是日式裝修，環境乾淨整齊，這裏有室內及室外，我們這些怕熱的人，當然要坐室內，這裡坐得很舒服。餐牌上有日式及西式的選擇，我們點了一個二人套餐。套餐有特色餐湯，沙律，日式燒烤拼盤及主菜，另外我們還點了兩款飲品。我點的飲品是荔枝梳打(右)，而老公點的是蜂蜜柚子(左)，兩杯都是凍的，味道甜甜，很冰涼，非常適合這麼熱的天氣。特色餐湯是煙肉青豆忌廉湯，上的時候是熱辣辣的。當初以為有煙肉，湯會很油膩，但入口有很濃的青豆及煙肉味道，一點也不油，不太鹹，味道很好，好飲。沙律是蘇格蘭煙三文魚凱撒沙律，份量也不少。三文魚味道鹹鹹，羅馬生菜新鮮爽口，上面有幾片碎碎芝士片，煙肉碎及脆脆蒜蓉包粒，這款沙律是我的至愛，好味。日式燒烤拼盤樣子很好，拼盤有燒大啡菇，鹽燒雞翅膀，牛脷及荔枝煙肉串。大啡菇很夠味道，雞翼香口，牛脷入口一點也不韌，很有牛味。最驚喜的是荔枝煙肉，原來兩款的材料是很夾的，整個拼盤都好好食。主菜是西班牙烤魚，賣相也不錯。裏面有兩條魚，份量算多。這條魚是辣的，上面鋪滿沙律菜及醬汁

珍味食堂前身係琛夜食堂，朋友以前食過呢間餐廳， 覺得幾好食所以今日黎開尖沙咀，就想藍馬5樓試一試！煙三文魚凱撒沙律生菜啖啖爽口新鮮，煙三文魚亦唔係求其放上去，俾醬汁攪拌好入味融和喺沙律中，酸味適中，非常開胃的前菜！日式燒烤拼盤裏面有燒大啡菇、鹽燒雞翅膀、牛脷同荔枝煙肉串。燒大啡菇肥大肉厚，菇味香濃， 而且仲啖啖肉汁好juicy！ 雞翼內脆外軟冇雪藏味，用鹽麴醃過嘅肉質亦好軟滑，同平時嘅好不同，味道剛剛好！牛脷同荔枝煙肉串都燒得啱啱香，惹味得黎調味做得好好， 荔枝同煙肉仲無諗到味道會咁夾👍🏻芝琛玉子燒香嫩多汁的厚蛋，入口即化， 咬開流出滿滿嘅蛋汁同香氣撲鼻嘅松露香，仲有超邪惡嘅芝士味同拉絲效果， 超級芝士迷表示食咗即刻有滿滿的幸福感☺

同朋友行完街見有d餓，就四圍望下有咩好食朋友聽過同事話呢度既食物都唔錯，我地二人都未試過，所以就上左去試試先單點散嗌既餐牌有兩本，一本係日式食物，而另一本就係西式食品當中有個“二人晚餐”HKd$498+10%既set，有齊西式同日式既食品，而且計落亦比單嗌抵，所以我地都唔想煩，直接order一個二人set啦先黎既係餐湯同沙律呢晚既湯係青豆忌廉湯而沙律就係煙三文魚凱撒沙律味道都唔錯，沙律既份量仲幾多添！！！跟住就到日式串燒既部分啦~拼盤中有四款日式串燒自己就最中意個牛舌，雖然唔係好厚，身，但食落一啲都唔乾又唔韌！！食夠幾串都仲得呀朋友仔就最中意個煙肉荔枝串，咸香既煙肉片捲入juice味甜既荔枝，兩者既平衡剛好，難怪朋友仔會邊食邊讚既而個main course 就要左焗羊架，焗得外脆惹味，內有肉汁亦唔嚡，平日唔多食羊既朋友都話唔錯，值得一試伴碟既薯菜仲要係我同朋友都中意既薯角，新鮮炸起又點會唔，好食呢但小甜魔表示：如果個二人餐包埋甜品就好啦xpppp

夜探珍味食堂，坐低環境好，舒服望一望，仲有露天坐位，可以揀出面，就要望天氣啦!各樣食品都有，都係以日本食品為主，坐低突然想飲返杯清酒。日本餐多以魚生，壽司為主。不過呢度我哋就揀咗一啲好特別嘅。食薄餅，嘆意粉，燒扇貝，鮑魚仔，煙燒青口叫咗兩隻 ，燒羊架肉，再叫一個煙三文魚雜菜捲沙律，夾嘅青瓜，唔錯㗎幾好味㗎!一客西班牙海鮮薄餅 118 薄餅香格脆，份量唔算多，兩個人一人兩件啱啱好，海鮮有墨魚做配料，一般海鮮薄餅未必有，食完先講，唔使講當然入得口更好味啦!大蝦卡邦尼意粉98卡邦尼上枱就意粉就多，加埋啲蜆肉，味道冇你咁好氣食埋先至算。蒜蓉燒扇貝68 被燒鮑魚仔58 選用煙肉燒青口38x2一碟上曬，紫菜亦都好脆，不過慢慢食慢慢歎，享受時光，燒得好味細細啖咁嘆下傾下一樂。香燒羊架肉 88x2燒羊架應該都係會跟啲薄荷醬嘅，呢間就有啦，有陣時喺出面食啲羊架係咁以畀啲芥辣，味道我私人就係唔係幾夾㗎，羊架亦都燒到啱啱好所以都有啲感覺食羊肉咁。煙三文魚雜菜捲配日式芝麻醬沙律爽爽爽，上枱四件開邊三文治，中間羽衣甘藍加埋啲 千島醬，食落好正，好爽。下次有幾會必定而來進餐。

今日約左朋友食飯，朋友選擇左地點，所以我咩都吾駛諗😂😂朋友話向厚福街到食，係一間樓上餐廳，話食過好好味，咁我就跟住指示去左啦。一出電梯，見到餐廳個環境好舒適，重有露台，可以出去睇住夜景飲返杯👍🏻👍🏻但由於朋友係吾飲酒，我地無叫到酒精飲品，下次要去試下坐室外飲野，食生蠔😂呢間餐廳有好多野食，有日式，西式野食，好多選擇👍🏻👍🏻我同朋友就叫左個二人餐，加兩杯野飲。環境真係好舒服，坐跌吹水一陣，食物就開始上。首先係餐湯，個湯好特別，叫煙肉青豆忌廉湯。入口果一下，好香忌廉味，食到未蓉晒既青豆同煙肉，口感好，味道好，好好味👍🏻👍🏻 好味指數有⭐️⭐️⭐️⭐️飲完湯，就上前菜，係沙律，我最愛既沙律🥗沙律要好味，好簡單，但亦都係最難，就係新鮮，配合埋好味既沙灘醬，一定會好味。佢地既菜好新鮮，好好味，我食埋朋友果份😂😂 好味指數口駛講⭐️⭐️⭐️⭐️跟住小食都上，係串燒。個雞翼雞到岩岩好，吾乾，重有肉汁。牛舌都係，一啲都吾硬，估吾到咁好味😍好味指數⭐️⭐️⭐️⭐️⭐️之後主菜上啦，叫芝琛玉子燒，其實即流心芝士玉子燒👍🏻 呢個菜好難處理，蛋吾可以太熟，又吾可以吾夠熱，否則芝士吾會溶。佢地做得好好，一切開，啲芝士急不及待流出黎，而且

尖咀厚福街選擇多，真係食足一個月都無重覆。早前經過時見有間深宵食堂，轉下眼換左做珍味食堂。餐湯，沙律，串燒，烤魚至甜品無一缺。紫薯做西湯一上檯就好吸晴，唔簡單。煙三文魚凱撒沙律，份量足，同芝士肉碎同吃好香。日式燒烤拼盤包括大啡菇，仍然好juicy；鹽燒雞亦，係點串燒必點，咸咸地好開胃；荔枝煙肉串夠新穎，荔枝juicy，煙肉唔會燒到干柴，正。西班牙烤魚仲以為會好辣香料味會好重，但反而係有魚嘅鮮甜，要濃味可以點汁，要食鮮味可以就咁食，而伴碟烤蔬菜都很鮮味。食埋甜唔蛋糕真係飽飽喇。

晚飯時間到了，正在尖沙咀厚福街，食市臨立，想必你都會有選擇困難症。這次是朋友拍板，帶我來珍味食堂，位於藍馬商業中心5樓，地點非常好找。電梯一出，就是珍味食堂，一間面積不大，感覺很溫馨的食店，類似日本燒烤店格局。行出去露台，原來還有另一番天地，天氣不熱話，坐out side 都非常舒服。 朋友食過，話菜式會有驚喜，我半信半疑地看起了餐牌，每張枱都會有QR code，只要用電話掃描QR code就會顯示餐廳的餐牌，當中也有二人餐，沒有想太多和朋友就點了二人餐。頭盤是煙三文魚沙律，生菜非常新鮮爽口，煙三文魚份量多，顏色靚，非常開胃。接着上兩碗羅宋湯，羅宋湯口感偏酸，味道比較正宗，好足料。接着是燒烤拼盤，分別有燒牛舌，烤香菇，煙肉荔枝串，和燒雞翼。其實賣相真係好靚，食物材料都好新鮮，高質，牛舌薄身而且大塊，，食落口感啱啱好烤大啡菇，廚師好細心會幫你切開一塊塊，所以可以share一齊食煙肉荔枝串配搭第一次食，原來好夾，煙肉的香味配埋荔枝爽甜多汁，口感唔錯燒雞翼大隻多肉，不會燒到好乾，保留了肉汁鮮嫩到了主菜，西班牙辣烤魚上枱的時候，第一個感覺是驚艷，完全沒有想到這道菜式是如此精美，感覺就像在這間

係尖沙咀收工搵男朋友一齊食晚飯，一直行到出名多餐廳嘅厚福街😋咁岩見到「珍味食堂」呢個名好似幾吸引咁喎😳 所以就入左去食喇…入到去先知原係食日本居酒屋嘅菜式，睇餐牌見到燒物都有好多唔同選擇已經流晒口水🙈 同男朋友都係玉子狂熱分子一黎到即刻點左份〝芝琛玉子燒〞，仲可以揀唔同味道配搭，例如煙肉、饅魚等等…最後我地揀左蟹子！熱辣辣即叫即燒為我地送上，蛋味好夠芝士又足料😎完全係 驚喜！黎到主食燒羊架份量都好足，每人都有3件羊架熟嘅程度岩岩好，易食又入味😍值得一試👍🏻居酒屋點可以唔叫串燒呢露筍豚肉串真係好少可有😍豚肉再配上燒汁已經好入味加埋露筍好有咬口呢！仲有牛柳粒都燒到入口即溶既感覺 好幸福呀🥰 呢餐飯食得超滿足！