廿一前 (已結業)

應該係我第一次食到禁多種類嘅火鍋任食，除左火鍋，仲有串燒、炸串、天婦羅、刺食同自助區任食任飲，種類多到數唔晒。我地揀左麻辣鍋底，好多香料好夠辣，餐廳一台會送一個海鮮拼盤，都幾新鮮，鐘意食海鮮嘅可以任食佢地刺食，品質都唔錯。食完一輪火鍋，可以叫佢地嘅串燒炸物，我推介佢地嘅薄燒牛舌、五花腩露荀同燒雞皮，即叫即燒，將多餘嘅油都燒曬出嚟，非常香，而炸物我就推介炸午餐肉，上台仲熱辣辣，即刻食或者用黎打邊爐都唔錯。