香港地道小食

營業中

休息中

週二喺附近食晚飯，由於唔係幾夠飽，於是行左過黎吳松街呢邊。呢間小食店之前都已經幫襯過，覺得燒雞脾都幾好食，所以決定食番三幾串先走，費事番到屋企先黎餓。哥仔好有禮貌，先落單後俾錢，見我地點幾串野都問我地即食定拎走。坐外面又得，坐裡面都得。我只係點左燒雞脾、燒冬菇、蟹籽丸，冇之前黎果次燒得咁juicy，雞脾都少咁啲蜜糖，肉有啲鞋口。不過價錢都唔算好貴，只係冇之前咁好食。燒冬菇加左少少辣粉，幾香口，至於蟹籽丸外皮燒到微脆，裡面啲蟹籽餡流出，都係好食。雖然附近都有唔少燒烤店，不過都係新式，我諗如果我點3串野，哈哈，唔知會唔會俾人眼望望呢。雞以我都係鐘意黎番呢間，味道冇咁好，但彈性高啲。