影片
更多
2024-12-01
20 瀏覽
早前同屋企人去沙田麗豪酒店的中菜廳食飯，走時發現酒店地舖有間酒吧餐廳，環境大但客人不多，坐得幾舒服，今日就同老公嚟呢度食飯。.呢度係酒吧，有各類型嘅酒，例如cocktail、whisky、gin、啤酒、紅白酒、梅酒，亦有無酒精的 mocktail、果汁。我哋都唔太飲得酒，就叫了2杯mocktail。.除了飲酒，呢度主打食串燒，有各種肉類、海鮮、蔬菜串燒，亦有炸物、炒飯、烏冬等等。我哋叫了4款串燒，分別是雞翼、牛舌、豚肉蘆筍卷、豚肉荔枝卷；一碟鐵板燒牛舌、日式炒野菜及日式鰻魚炒飯。.雞翼串 —雞皮燒到脆卜卜，好香。雞皮落少少鹽已好夠味；雞肉都算嫩滑。.牛舌串 —牛舌好厚肉但一啲都唔鞋，好爽口；每啖咬落去都充滿油脂香味，好食😋.豚肉蘆筍卷 —煙肉包住好多條蘆筍，蘆筍一啲都唔苦、無渣，食得好爽👍🏻.豚肉荔枝卷 —好有驚喜的配搭！鹹香的煙肉包住清甜的荔枝肉，估唔到幾夾，荔枝肉有助減去油膩感，會食唔停口😆.鐵板燒牛舌 —牛舌份量好多。呢碟牛舌肉的口感跟串燒係唔同的，串燒的肉質係爽口，而鐵板燒的牛舌肉係腍滑的，兩者都好味。.日式炒野菜 —有多款雜菜，包括椰菜、紅蘿蔔、雜菌、金菇，幾豐富；落咗好多蒜
.
呢度係酒吧，有各類型嘅酒，例如cocktail、whisky、gin、啤酒、紅白酒、梅酒，亦有無酒精的 mocktail、果汁。我哋都唔太飲得酒，就叫了2杯mocktail。
.
除了飲酒，呢度主打食串燒，有各種肉類、海鮮、蔬菜串燒，亦有炸物、炒飯、烏冬等等。
我哋叫了4款串燒，分別是雞翼、牛舌、豚肉蘆筍卷、豚肉荔枝卷；一碟鐵板燒牛舌、日式炒野菜及日式鰻魚炒飯。
.
雞翼串 —雞皮燒到脆卜卜，好香。
雞皮落少少鹽已好夠味；雞肉都算嫩滑。
.
牛舌串 —
牛舌好厚肉但一啲都唔鞋，好爽口；
每啖咬落去都充滿油脂香味，好食😋
.
豚肉蘆筍卷 —
煙肉包住好多條蘆筍，蘆筍一啲都唔苦、無渣，食得好爽👍🏻
.
豚肉荔枝卷 —
好有驚喜的配搭！
鹹香的煙肉包住清甜的荔枝肉，估唔到幾夾，荔枝肉有助減去油膩感，會食唔停口😆
.
鐵板燒牛舌 —
牛舌份量好多。呢碟牛舌肉的口感跟串燒係唔同的，串燒的肉質係爽口，而鐵板燒的牛舌肉係腍滑的，兩者都好味。
.
日式炒野菜 —
有多款雜菜，包括椰菜、紅蘿蔔、雜菌、金菇，幾豐富；
落咗好多蒜蓉炒，全部都好入味。
.
日式鰻魚炒飯 —
即叫即炒，熱辣辣好香；
用來炒飯的鰻魚汁醬油咸中帶甜，好好味。
.
Lychee Orange Frozen —
呢杯係沙冰，有好濃荔枝味，亦飲得出有橙汁同青檸汁，甜中帶少少酸嘅味道，都唔錯。
.
Cranberry Sangria —
呢杯有紅莓汁、橙汁及7喜，有氣的酸甜果汁，好飲又解膩。
.
現場亦有飛鏢、beer pong、桌球玩，有得玩有得食，係聚會嘅好選擇。
張貼
