蜀一燒串燒專門店

營業中

休息中

某日星期一放工後，即興想食串燒🍖，👫兩個人就嚟到佐敦呢間蜀一燒諗住食好嘢。鋪頭分為兩層，地下舖面面積細， 老闆就叫我地坐上2樓。2樓樓底唔算高，不過地方比較寬敞。但如果大家想安靜啲食飯，我建議大家坐樓下。因為樓上樓底比較低，所以一大夥兒食飯就會好嘈。🍗🍖🥓🥗食物方面，我熱烈推介燒扇貝，真係燒得好好食，而且扇貝好新鮮。燒蠔我就覺得一般，可能因為啲蠔唔太新鮮，所以影響佢嘅味道。🥩肉方面，我地點左牛，鴨胸，牛舌，羊肉串，我個人覺得和牛真係可以唔使試。🍆菜方面，BB蘆筍燒得幾好食，但係秋葵就真係好硬，茄子略嫌有啲油。食得辣嘅朋友，不妨試吓大辣或以上，因為我本身唔係好食得辣，但係叫中辣都仍然可以接受。當然叫番杯🍧凍冰冰嘅嘢飲就一定要啦。