神木日本料理 (已結業)

今次搵食黎到觀塘嘅工廈，平時都bookmark左好多呢頭嘅餐廳，今次終於有機會試下。好彩一早訂咗位，平日黎都好多人，坐無虛席。餐廳好好招呼，店員好用心介紹野食，又會上前了解有無其他需要，好細心❤️，呢點好加分👍🏻。⭐️神之特上刺身刺身好多款，新鮮甜美，最有印象係個魚，甜蝦同帶子，鮮甜肥美😊左口魚都好出色👍🏻⭐️彩虹卷六款用唔同刺身做topping既卷物，再加上黑魚子醬同金箔，望落名貴又吸睛。雖然餡料一樣，但六款刺身，各有特色又新鮮，每一件都帶黎新鮮感😊。⭐️一口牛肉炒飯炒飯炒得乾身，米飯米米分明👍🏻，鑊氣夠，再加上落左胡椒，辣辣地咁，冬天再加食左生冷野，呢個炒飯好暖胃😍。⭐️串燒呢到嘅串燒都好出色，⭐️月見免治雞肉棒，肉味香濃，又夠juicy，沾上旁邊嘅蛋黃，蛋漿包裹整條雞串，味道立即提升至另一個層次。⭐️燒白鱔，好意外surprise到小妹🥹，白鱔好厚肉，肉質爽口彈牙，燒得半焦香，入口好享受啊！⭐️蒜蓉燒生蠔生蠔新鮮，用蒜蓉燒到隻蠔脹卜卜，入口一咬就爆汁。不過作為蒜蓉控既小妹，如果可以再爆蒜啲，就更加好了😘。⭐️蟹籽沙律蟹籽同蟹柳絲都好多👍🏻，作為前菜，好下胃，或者食到中段，清下口腔，都好適合❤️。