高木炭火鳥燒 (已結業)

今晚放工同朋友黎到尖沙咀食串燒傾下計，位於棉登徑的高木炭火鳥燒是一個不錯的選擇。店門口已經掛有個好顯眼的燈籠仔，一眼見到好易搵，裝修好日式，入面細細的，主要有吧台位同幾張檯仔。餐牌都以炭燒串燒為主，牛豬雞海鮮都有得揀。螢光魷魚，$48,估唔到咁抵，咁平都有5隻魷魚的，好滑溜新鮮，咬落好爽口多汁，墨汁好美味。汁燒豆腐，$22/串, 用上炭燒的味道好香，外皮燒得香脆，入面就好香滑豆腐味，加上有木魚絲，好惹味呀。鵪鶉蛋，$22/llw,咬落好煙韌，醬汁係值得一讚，濃味中帶點甜，香甜的蛋黃味散發在口中。燒日木番薯，$28/串，入面係完熟的甜度，好香甜的番薯味，熱辣辣的，淋淋的口感，入口即溶。燒牛舌，$48/串，果然係好厚切的，咬落好爽口彈牙，又多汁，牛肉味又超濃郁，燒得鎖住肉汁，是必叫之選。燒明太子飯糰，$38/件，飯糰，$36/串，原來燒飯糰係可以好香脆的，好似食飯焦的美味，咬落外面卜卜脆的，入面仲有啲明太子粒，增加香味。燒雞翼，$38/串，雞翼燒得乾身多汁，肉質好嫩滑，連皮都好香脆可以食埋。